Don't Miss!
- News క్యూ నిల్చొని ఓటు వేసిన సూపర్ స్టార్
- Sports PBKS vs MI: అతను అసాధారణ బ్యాటింగ్తో భయపెట్టాడు: హార్దిక్ పాండ్యా
- Lifestyle గుడ్నైట్ సందేశాలను ఇలా సరదాగా పంపుకోండి..
- Technology 40 గంటలకు పైగా బ్యాటరీ బ్యాకప్, ChatGPT వాయిస్ AI సపోర్టుతో నథింగ్ ఇయర్బడ్స్ విడుదల.. సేల్ వివరాలు!
- Automobiles గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ
- Finance Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
వందో సినిమా ఆస్కార్ రేంజిలో ఉంటుందన్న బాలయ్య!
హైదరాబాద్: నందమూరి నటసింహం బాలకృష్ణ తన నెక్ట్స్ సినిమాతో 100వ మైలురాయిని అందుకోబోతున్నారు. అందుకే ఈ సినిమా ఎంపిక విషయంలో బాలయ్య స్పెషల్ కేర్ తీసుకుంటున్నారు. రోటీన్ సినిమాలకు భిన్నంగా ఈ సినిమా ఉండాలని భావించిన ఆయన చివరకు హిస్టారికల్ మూవీ చేయాలని డిసైడ్ అయ్యారు.
కింగ్ గౌతమిపుత్ర శాతకర్ణి జీవితం ఆధారంగా బాలయ్య 100వ సినిమా ఉండబోతోంది. ఇటీవల తన మనవడు నారా దేవాన్ష్ పుట్టినరోజు వేడుకలో పాల్గొన్న బాలయ్య అక్కడకు వచ్చిన అతిథులు, సన్నిహితులతో ఈ సినిమాకు సంబంధించిన కొన్ని అంశాలు వెల్లడించినట్లు తెలుస్తోంది.
ఈ వేడుకలో బాలయ్య స్టైలిష్ మీసంతో కనిపించారు. ఈ ఇది చూసి చాలా మంది 100వ సినిమా కోసమేనా? అంటూ ప్రశ్నించినట్లు సమాచారం. అవును, ఈ మీసం పెంచేది 100వ సినిమా కోసమే, క్రిష్ దర్శకత్వం వహిస్తారు. గౌతమిపుత్ర శాతకర్ణి జీవితం ఆధారంగా ఈ సినిమా ఉంటుందని వెల్లడించినట్లు సమాచారం.
అమరావతిని రాజధానిగా చేసుకుని పాలించిన శాతవాహన రాజు గౌతమి పుత్రశాతకర్ణి జీవితం ఆధారంగా తెరకెక్కే ఈచిత్రం అందరినీ అలరించే విధంగా ఉంటుంది, ఆస్కార్ అవార్డు సైతం దక్కించునే రేంజిలో ఉంటుంది అని బాలయ్య చెప్పినట్లు తెలుస్తోంది. మరి బాలయ్య ఇంత నమ్మకంగా చెప్పడంతో అభిమనుల్లో 100వ సినిమాపై అంచనాలు మరింత పెరిగాయి.