Don't Miss!
- News పురందేశ్వరికి చెక్ పెడుతోందెవరు - చంద్రబాబు ఎటువైపు..!?
- Sports `దాదా` మళ్లీ మొదలు పెట్టాడయ్యా: హీటెడ్ ఆర్గ్యుమెంట్
- Automobiles టెస్లా, బీవైడీలకు పోటీగా Xiaomi SU7 ఎలక్ట్రిక్ కారు లాంచ్.. 810 కి.మీ రేంజ్
- Technology రూ.12వేల కంటే తక్కువ ధరకే స్మార్ట్ఫోన్.. సెగ్మెంట్లో తొలిసారిగా 45W ఫాస్ట్ ఛార్జింగ్, డ్యూయల్ స్పీకర్లు..!
- Finance CRAMC IPO: త్వరలో కెనరా రోబెకో అసెట్ మేనేజ్మెంట్ కంపెనీ ఐపీఓ..!
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
వర్షంలో తడుస్తూ వరసపెట్టిన బాలకృష్ణ
హైదరాబాద్ : గతేడాది 'లెజెండ్'తో విజయాన్ని సొంతం చేసుకొన్న బాలకృష్ణ త్వరలో 'లయన్'గా సందడి చేయబోతున్న సంగతి తెలిసిందే . బాలకృష్ణ హీరోగా సత్యదేవా దర్శకత్వంలో రూపొందుతున్న చిత్రం 'లయన్'. త్రిష, రాధికా ఆప్టే హీరోయిన్స్. రుద్రపాటి రమణారావు నిర్మాత. ప్రస్తుతం హైదరాబాద్ శివార్లలో షూటింగ్ జరుగుతోంది.
ఫేస్బుక్ ద్వారా లేటెస్ట్ అప్డేట్స్ ఎప్పటికప్పుడు
వర్షం నేపథ్యంలో ఓ పోరాట ఘట్టాన్ని తెరకెక్కిస్తున్నారు. బాలకృష్ణతోపాటు పలువురు ఫైటర్లపై చిత్రీకరిస్తున్న ఈ పోరాట ఘట్టానికి రామ్, లక్ష్మణ్ నేతృత్వం వహిస్తున్నారు. ఈ ఫైట్ చూసినవారు..మరోసారి వెండితెరపై సింహగర్జన చేయబోతున్నారు బాలకృష్ణ అంటున్నారు. చిత్రంలో ఈ సన్నివేశం కీలకమై నిలుస్తుంది అని చెప్తున్నారు.
దర్శకుడు మాట్లాడుతూ... ''సామాన్యుడికి బాసటగా నిలిచే ఓ వ్యక్తి కథతో రూపొందుతున్న చిత్రమిది. శక్తిమంతమైన పాత్రతో మరోసారి అలరించబోతున్నారు బాలకృష్ణ. మరో మూడు రోజులపాటు హైదరాబాద్ పరిసరాల్లోనే యాక్షన్ సన్నివేశాల్ని తెరకెక్కిస్తామ''అని తెలిపారు.
ఇటీవల హైదరాబాద్లో హీరో పరిచయ సన్నివేశాల్ని భారీస్థాయిలో తెరకెక్కించినట్టు తెలుస్తోంది. ఈ చిత్రాన్ని ఏప్రిల్లో ప్రేక్షకుల ముందుకు తీసుకొచ్చేందుకు సన్నాహాలు చేస్తున్నారు. ఈ పవర్ఫుల్ యాక్షన్ డ్రామాలో బాలకృష్ణ రెండు డిఫరెంట్ గెటప్స్ లో కనిపించనున్నాడు.
ప్రస్తుతం ఈ సినిమా షూటింగ్ హైదరబాద్ శివార్లలోని మొయినాబాద్ ప్రాంతంలో జరుగుతోంది. అక్కడ బాలకృష్ణపై ఓ పవర్ఫుల్ యాక్షన్ సీక్వెన్స్ ని షూట్ చేస్తున్నారు. క్రేజీ ఫైట్ మాస్టర్స్ అయిన రామ్ - లక్ష్మణ్ మాస్టర్స్ ఈ యాక్షన్ ఎపిసోడ్ ని కంపోజ్ చేస్తున్నారు. ఈ ఎపిసోడ్ మరింత బాగా రావడానికి రెయిన్ ఎఫెక్ట్ ని కూడా జత చేసారు. ఈ ఎపిసోడ్ షూటింగ్ ఈ వారాంతం వరకూ అక్కడే జరగనుంది.
న్యూ ఇయర్ కానుకగా ఫస్ట్ టీజర్ రూపంలో నందమూరి బాలకృష్ణ తన ‘లయన్' ఇప్పటికే పరిచయం చేసారు. బాలకృష్ణ ద్విపాత్రాభినయం చేస్తున్న ఈ సినిమాలో త్రిషతో పాటు రాధిక ఆప్టే కూడా మరో హీరోయిన్ గా కనిపించనుంది. సత్యదేవా దర్శకుడుగా పరిచయమవుతూ చేసిన ఈ సినిమాకి రుద్రపాటి రమణారావు నిర్మాత. మణిశర్మ సంగీతం అందిస్తున్న ఈ సినిమాని మార్చి చివర్లో రిలీజ్ చెయ్యడానికి ప్లాన్ చేస్తున్నారు.
నిర్మాత మాట్లాడుతూ.. '''లెజెండ్' లాంటి బ్లాక్బస్టర్ తర్వాత బాలకృష్ణ మా సినిమా చేయడం ఆనందంగా ఉంది. బాలయ్య ఇమేజ్కి తగ్గట్టుగా శక్తిమంతమైన కథను సత్యదేవ్ సిద్ధం చేశారు. ఈ చిత్రంతో తను అగ్ర దర్శకుల జాబితాలో చేరడం ఖాయం. అత్యున్నత సాంకేతిక పరిజ్ఞానంతో భారీ నిర్మాణ విలువలతో మేం నిర్మిస్తున్న ఈ చిత్రంలో ప్రముఖ తారాగణం నటిస్తున్నారు.'' అని చెప్పారు.
'లెజెండ్' తర్వాత బాలకృష్ణ నుంచి వస్తున్న సినిమా కావడంతో అంచనాలు భారీగా ఉండటం సహజం. అందుకు తగ్గట్టుగానే అత్యంత శక్తిమంతంగా ఇందులోని బాలయ్య పాత్ర ఉండబోతోందని వినికిడి. సత్యదేవ్ సంభాషణలు కూడా ఈ సినిమాకు హైలైట్గా నిలువనున్నాయని సమాచారం. గన్ నుంచి విడుదలయ్యే బుల్లెట్కి దయా దాక్షిణ్యాలుండవ్. దానికి తెలిసిందల్లా లక్ష్యం ఒక్కటే. దాన్ని ఛేదించేదాకా అది వదలదు. ఈ లక్షణాలతో ఓ పాత్రను సృష్టిస్తే? ఆ పాత్రను బాలకృష్ణ పోషిస్తే? ఇక అభిమానులకు అంతకంటే కావల్సిందేముంటుంది! సత్యదేవ్ దర్శకత్వంలో నటిస్తున్న చిత్రంలో బాలకృష్ణ అలాగే కనిపించనున్నారని చెప్తున్నారు.
బాలయ్య సరసన తొలిసారి త్రిష ఇందులో హీరోయిన్ గా నటిస్తున్న విషయం తెలిసిందే. ఎస్.ఎల్.వి.సినిమా పతాకంపై రుద్రపాటి రమణరావు నిర్మిస్తున్నారు. చంద్రమోహన్, జయసుధ, ప్రకాశ్రాజ్, అలీ, గీత తదితరులు ఇతర పాత్రలు పోషిస్తున్న ఈ చిత్రానికి కెమెరా: వెంకట్ప్రసాద్, సంగీతం: మణిశర్మ, కూర్పు: గౌతంరాజు, సమర్పణ: రుద్రపాటి ప్రేమలత.