బాలయ్య 102 టైటిల్ విషయంలో అయోమయం, ఏది నిజం?

తాజాగా మరోసారి అయోమయం

తాజాగా మరోసారి అభిమానులను అయోమయంలోకి నెట్టేస్తూ.... ఈ సినిమాకు టైటిల్ ‘కర్ణ' కాదు, ‘జయ సింహ' ఫైనల్ చేసే అవకాశం ఉందంటూ వార్తలు ప్రచారంలోకి వచ్చాయి. బాలకృష్ణ సినిమాలకు సింహ అనేది బాగా కలిసి వస్తుండటంతో ఈ టైటిల్ ఫైనల్ చేసే అవకాశం ఉందట. అయితే దర్శక నిర్మాతల నుండి అధికారిక ప్రకటన రావాల్సి ఉంది.

ముఖ్య నటీనటులు

బాలయ్య సరసన నయనతార కథానాయికగా నటించనుండగా మ‌రో నాయిక‌గా న‌టాషా దోషీ ఎంపికైన సంగ‌తి తెలిసిందే. ప్రకాష్ రాజ్, మురళీమోహన్, బ్రహ్మానందం, జయ‌ప్ర‌కాష్ రెడ్డి ముఖ్యపాత్రలు పోషిస్తున్నారు.

సంక్రాంతి రిలీజ్

ఈ చిత్రాన్ని సంక్రాంతి కానుకగా విడుదల చేసేందుకు ప్లాన్ చేస్తున్నారు. డిసెంబర్ మొదటి వారంలోకిగా షూటింగ్ పూర్తి చేసి అదే నెలలో ఆడియో రిలీజ్ కార్యక్రమం నిర్వహించనున్నట్లు సమాచారం.

తెర వెనక

ఈ చిత్రానికి కథ-మాటలు: ఎం.రత్నం, కళ: నారాయణ రెడ్డి, పోరాటాలు: అరివుమణి-అంబుమణి, సినిమాటోగ్రఫీ: రాంప్రసాద్, సంగీతం: చిరంతన్ భట్, సహ-నిర్మాత: సి.వి.రావు, ఎద్జిక్యూటివ్ ప్రొడ్యూసర్స్: వరుణ్-తేజ, నిర్మాణం: సి.కె.ఎంటర్ టైన్మెంట్స్ ప్రై.లి, దర్శకత్వం: కె.ఎస్.రవికుమార్!