Don't Miss!
- News ఏప్రిల్ లో అంగారక యోగం: ఈ మూడు రాశుల వారికి ఆర్థిక నష్టాలు, ఊహించని కష్టాలు
- Sports RR vs DC: కన్నీటి పర్యంతమైన రియాన్ పరాగ్!
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
హను రాఘవపూడి మల్టీస్టారర్ లో వీరే హీరోలు
తెలుగు చలనచిత్ర దర్శకుల్లో హను హను రాఘవపూడికి ఒక ప్రత్యేకమైన స్టయిల్ ఉంది. ప్రేమకథలను మంచి ఫీల్ తో తెరకెక్కించడంలో ఆయన దిట్ట. తనపై మణిరత్నం ప్రభావం ఎక్కువగా ఉందని చెబుతుండే హను రాఘవపూడి ఇటీవల సీతా రామంతో భారీ హిట్ కొట్టాడు. విభిన్నమైన ఈ ప్రేమకథా చిత్రానికి జనాల నుంచి విశేషమైన స్పందన వచ్చింది. తర్వాత ఏ సినిమా చేయబోతున్నాడు అనే ఆసక్తి అందరిలో కలిగేలా చేయడమే కాకుండా కథానాయకులు కూడా తమతో ఒకసినిమా చేస్తే బాగుండు అనే భావనను కల్పించగలిగాడు. తన తదుపరి చిత్రంగా ఒక మల్టీస్టారర్ ఉండబోతోందని వార్తలు వచ్చాయి. ఇప్పడు వాటికి బలం చేకూరుస్తూ నాని, శర్వానంద్ ఆ మల్టీస్టారర్లో కథానాయకులనేదానిపై ఫిలిం నగర్ వర్గాల్లో వినిపిస్తోంది.
ఇద్దరు స్నేహితుల మధ్య నడిచే కథగా ఈ సినిమాను హను రాఘవపూడి తీర్చిదిద్దబోతున్నాడని, నానితో, శర్వాతో చర్చలు కూడా పూర్తయ్యాయని తెలుస్తోంది. కథ ప్రకారం హిందూ ముస్లిం మతాలకు సంబంధించి వ్యక్తులుగా వీరిని చూపించబోతున్నాడని, ఈసారి ప్రేమ కథను మతాలతో ముడిపెట్టి తీయబోతున్నాడనే టాక్ వినిపిస్తోంది. అంతేకాకుండా గతంలో ఈ ఇద్దరు హీరోలతో సినిమా చేసివున్నాడు. నానితో కృష్ణగారి వీరప్రేమగాథ, శర్వానంద్తో పడిపడి లేచె మనసు చిత్రాలను చేశాడు. మంచి సాన్నిహిత్యం కూడా ఉంది. వీరిద్దరితో సినిమా చేయడానికి ఒక పెద్ద నిర్మాణ సంస్థ కూడా ముందుకు వచ్చిందనే వార్తలు వస్తున్నాయి.
సీతారామంతో సాలిడ్ హిట్ కొట్టిన హను తర్వాత సినిమాతో కూడా కచ్చితంగా హిట్ కొడతాడని ఇండస్ట్రీ వర్గాలు అంచనా వేస్తున్నాయి. ప్రేమకథా చిత్రాలకు డిమాండ్ ఎప్పుడూ ఉంటుందని, విభిన్నమైన ప్రేమ కథాచిత్రాలను తీసే హను రాఘవపూడికి ఈ తరహా చిత్రాలు తీయడం పెద్ద కష్టమేంకాదంటున్నారు. పడి పడి లేచె మనసు విభిన్నమైన ప్రేమ కథా చిత్రమైనా కమర్షియల్గా విజయం సాధించలేదని, ఈసారి ఫీల్ గుడ్ లవ్ స్టోరీలో కమర్షియల్ అంశాలు మేళవించి తీయబోతున్నాడని తెలుస్తోంది.