For Quick Alerts
    ALLOW NOTIFICATIONS  
    For Daily Alerts

    డౌరీ... వార్తలపై హీరో నాని ఫైర్!

    By Bojja Kumar
    |

    హైదరాబాద్: హీరో నాని తన స్నేహితురాలు అంజనతో ఎంగేజ్మెంట్ జరుపుకున్న సంగతి తెలిసిందే. ఆగస్టు 12న వైజాగ్‌లో చాలా సింపుల్‍‌గా ఎలాంటి ఆడంబరాలు లేకుండా కేవలం ఇరు కుటుంబ సభ్యుల సమక్షంలో హడావుడి లేకుండా జరిగి పోయింది. అయితే పెళ్లి మాత్రం ఇలా సింపుల్‌గా కాకుండా ఆడంబరంగా చేసుకుంటాను అంటున్నాడు ఈ యువ హీరో.

    కాగా...అతని మామగారు నానికి కట్నకానుకల కింద భారీగానే ముట్టజెప్పాడని జూబ్లీహిల్స్ ఏరియాలో ఖరీదైన బంగళా, కూతురు-అల్లుడు షికార్లు కొట్టడానికి ఖరీదైన కారు ఇచ్చాడట. ఈ నేపథ్యంలో నాని డౌరీ తీసుకున్నాడంటూ వెబ్‌లో వార్తలు గుప్పుమన్నాయి. అయితే తాను వరకట్నం తీసుకుంటున్నాననే వార్తలపై నాని మండిపడుతున్నాడట. తాను కట్నం తీసుకునే మనిషిని కాదని, మామాగారు ప్రేమతో ఇచ్చిన కానుకలే అని తన సన్నిహితుల వద్ద వాపోతున్నాడట.

    నవంబర్లో గ్రాండ్‌గా నాని-అంజన పెళ్లి జరుగనుంది. త్వరలోనే పెళ్లి తేదీ అధికారికంగా ప్రకటించనున్నారు. కామన్ ఫ్రెండ్ ద్వారా 5సంవత్సరాల క్రితం వైజాగ్‍‌లో నాని-అంజనకు పరిచయం ఏర్పడింది. పరిచయం కాస్తా ప్రేమగా మారింది. ఏది ఏమైతేనేం నాని ఓ ఇంటివాడు కాబోతున్నాడు.

    నాని ప్రస్తుతం పలు ప్రాజెక్టులతో బిజీగా గడుపుతున్నాడు. సముద్రఖని దర్శకత్వంలో జెండాపై కపిరాజు, గౌతం మీనన్ దర్శకత్వంలో ఎటో వెళ్లి పోయింది మనసు, కృష్ణ వంశీ దర్శకత్వంలో మరో చిత్రం చేస్తున్నారు. సముద్రఖని దర్శకత్వంలో రూపొందుతున్న చిత్రం షూటింగ్ ప్రస్తుతం గోవాలో జరుగుతోంది.

    English summary
    
 Nani is a happy man these days. The actor who recently got engaged to Anjana, his girlfriend of five years, has a kitty full of big-ticket projects and is still basking in the success of Eega. Adding to the list is the latest buzz that Nani was gifted a luxury car and a plush new bungalow in a swanky area of the city by his fiance’s parents.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X