Don't Miss!
- News తండ్రైన ముఖ్యమంత్రి: తొలి నేతగా రికార్డ్
- Technology 6.67 అంగుళాల డిస్ప్లే, ట్రిపుల్ కెమెరాతో వివో కొత్త ఫోన్... లాంచ్, స్పెసిఫికేషన్ల వివరాలు..!
- Sports IPL 2024: రెండుగా చీలిన ముంబై ఇండియన్స్.. హార్దిక్ మాట వినని రోహిత్ గ్రూప్!
- Automobiles నితిన్ గడ్కరీ కీలక ప్రకటన.. వాహనదారులు తప్పక తెలుసుకోవాల్సిందే!
- Lifestyle First Surya Grahan: ఏప్రిల్ నెలలో మొదటి సూర్య గ్రహణం ఎప్పుడు? సూతక కాలం
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
ఆశ్చర్యమా? అనుమానమా?.. ‘జెర్సీ’పై నాని రియాక్షన్ వైరల్
నాని హీరోగా వచ్చిన జెర్సీ చిత్రానికి అంతర్జాతీయంగా గుర్తింపు లభించింది. తెలుగు నాట విమర్శకుల ప్రశంసలతో పాటు ప్రేక్షకుల అభిమానాన్ని సొంతం చేసుకున్న జెర్సీ.. భారత అంతర్జాతీయ టొరంటో చలన చిత్రోత్సవంలో ప్రదర్శనకు ఎంపికైంది. ఈ మేరకు చిత్ర యూనిట్ ఆనందం వ్యక్తం చేస్తోంది. నిర్మాత సూర్యదేవర నాగవంశీ తన సంతోషాన్ని పంచుకున్నాడు. ఈ మేరకు మీడియాతో మాట్లాడాడు.
భారత అంతర్జాతీయ టొరంటో చలన చిత్రోత్సవంలో ప్రదర్శనకు 'జెర్సీ' ఎంపికవటం ఆనందంగా ఉందన్నాడు. ఈ ఏడాది ఆగస్టు 9 నుంచి, 15 వరకు జరిగే ఈ చిత్రోత్సవంలో ఈ సినిమా ప్రదర్శనకు నోచుకోవటం, ఈ విషయాన్ని మీడియాతో పంచుకోవటం తమ కెంతో సంతోషాన్ని కలిగిస్తోందని అన్నాడు. ఈ సినిమా నాని కెరీర్లో చెప్పుకోదగ్గది. అప్పుడప్పుడే కమర్షియల్ పంథాలో వెళ్తూ ఫెయిల్యూర్స్ను చవిచూస్తున్న నానికి సరైన కథ పడింది. మళ్లీ తన నట విశ్వరూపాన్ని చూపి జెర్సీని ఓ కానుకగా తన అభిమానులకు అందించాడు.
అయితే ఈ సినిమాను అంతర్జాతీయ స్థాయిలో ప్రదర్శించబోతోన్నారని నిర్మాణ సంస్థ సోషల్ మీడియాలో పేర్కొంది. ఈ ట్వీట్ నాని రియాక్షన్ అందర్నీ ఆశ్చర్యానికి గురి చేసింది. మొహాన్ని తలకిందులుగా చేసిన ఓ ఎమోజీని షేర్ చేశాడు. అయితే అది ఆశ్చర్యమా? అనుమానమా? అని నెటిజన్లు ఫన్నీగా కామెంట్ చేస్తున్నారు.
అనిరుద్ 'జెర్సీ' చిత్రానికి తన సంగీతంతో ప్రాణం పోయగా... సాను జాన్ వర్గీస్ ఛాయాగ్రహణం మరో ఆకర్షణగా నిలిచింది. ప్రస్తుతం ఈ సినిమాను హిందీలో షాహిద్ కపూర్ రీమేక్ చేస్తోన్న సంగతి తెలిసిందే. అది కూడా గౌతమ్ తిన్ననూరి దర్శకత్వం వహిస్తున్న విషయం తెలిసిందే.