Don't Miss!
- News వీళ్లా..వైఎస్ వారసులు, పక్కన పెట్టింది ఇందుకే - షర్మిల పై జగన్ ఫైర్..!!
- Finance Stock Market: ప్లాట్ గా స్టాక్ మార్కెట్లు.. టెక్ మహీంద్రాలో భారీ కుదుపు..!
- Lifestyle ప్రపంచంలోనే అత్యంత పోషకమైన వేచూర్ ఆవు పాలు: గిన్నీస్ రికార్డ్ సాధించిన ఈ ఆవు గురించి ఆసక్తికరమైన విషయాలు
- Sports RCBకి గుడ్ న్యూస్: ప్లే ఆఫ్స్కు ఇలా ఈజీగా చేరొచ్చు!
- Automobiles కొత్త ఆస్టన్ మార్టిన్ వాంటేజ్ కూల్ స్పోర్ట్స్ కారు లాంచ్.. గంటకు 325 కి.మీ వేగం.. ధర, ఫీచర్లు ఇవే..
- Technology Nokia మాతృ సంస్థ HMD నుంచి మూడు కొత్త ఫోన్లు లాంచ్! ధర, స్పెసిఫికేషన్ల వివరాలు
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
రికార్డు స్థాయిలో గ్యాంగ్లీడర్ ప్రీ బిజినెస్.. నాని కెరీర్లోనే హయ్యెస్ట్గా
Recommended Video
టాలీవుడ్లో నేచురల్ స్టార్ నాని నటించిన తాజా చిత్రం గ్యాంగ్ లీడర్. ఎంసీఎ, దేవదాస్, జెర్సీ విజయాల తర్వాత ఈ సినిమా వస్తుండటంతో భారీ అంచనాలు నెలకొన్నాయి. సినిమాకు సంబంధించిన ప్రోమోలు, పాటలు గ్యాంగ్ లీడర్పై ఆసక్తిని పెంచాయి. ఐదుగురు మహిళలు, అమ్మాయిల కీలక పాత్రలుగా, ఎమోషనల్ కంటెంట్తో నాని సెప్టెంబర్ 13న ప్రేక్షకుల ముందుకు వస్తున్నది. భారీ అంచనాల మధ్య నాని కెరీర్లో ఎన్నడూ లేని విధంగా రికార్డు స్థాయి ప్రీ రిలీజ్ బిజినెస్ జరిగింది. వాటి వివారాలు ఇలా ఉన్నాయి.
నైజాం, సీడెడ్లో అత్యధికంగా
నైజాంలో గ్యాంగ్ లీడర్ చిత్రం ప్రీ రిలీజ్ బిజినెస్ సినీ వర్గాల్లో చర్చనీయాంశమైంది. నైజాంలో ఈ చిత్రం రూ.8 కోట్ల మేరకు ప్రీ రిలీజ్ బిజినెస్ జరిగింది. సీడెడ్లో రూ.2.50 కోట్లు, ఉత్తరాంధ్రలో రూ.2.50 కోట్ల మేర జరగడం గమనార్హం. ఈ ప్రాంతాల్లో నానికి ఇదే అత్యుత్తమ ప్రీ రిలీజ్ బిజినెస్ అని చెప్పుకొంటున్నారు.
ఆంధ్రాలో రికార్డు స్థాయిలో
ఇక ఆంధ్రా విషయానికి వస్తే.. తూర్పుగోదావరి జిల్లాలో రూ.1.60 కోట్లు, పశ్చిమ గోదావరి జిల్లాలో రూ.1.20 కోట్లు, గుంటూరులో రూ.1.75 కోట్లు, కృష్ణా జిల్లాలో రూ.1.40 కోట్లు, నెల్లూరులో రూ.0.75 కోట్ల మేర ప్రీరిలీజ్ బిజినెస్ జరిగినట్టు ట్రేడ్ వర్గాలు వెల్లడించాయి. మొత్తంగా ఈ చిత్రం ఏపీ, తెలంగాణలో కలిపితే రూ.20.80 కోట్ల మేరు బిజినెస్ జరిగినట్టు సమాచారం.
కర్ణాటక ఇతర రాష్ట్రాల్లో
ఇక కర్ణాటకలో రూ.1.4 కోట్లు, మిగితా రాష్ట్రాల్లో రూ.40 లక్షల మేర ప్రీ రిలీజ్ వ్యాపారం జరిగింది. ఇక ఓవర్సీస్లో కూడా భారీ మొత్తానికి డిస్ట్రిబ్యూషన్ హక్కులు అమ్మారు. అమెరికాలో రూ.4 కోట్లు, మిగితా దేశాల్లో రూ.1.4 కోట్లుకు అమ్మడం జరిగింది.
ఎంత వసూలు చేస్తే లాభాల్లోకి వస్తుందంటే
ఇక ప్రపంచవ్యాప్తంగా ఈ చిత్రం రూ.28 కోట్ల మేర ప్రీ రిలీజ్ బిజినెస్ జరిగినట్టు ట్రేడ్ వర్గాలు వెల్లడించాయి. ఈ చిత్రం విడుదల తర్వాత లాభాల్లోకి రావాలంటే రూ.29 కోట్ల షేర్ రాబట్టాల్సి ఉంటుంది. ఇక ఏపీ, తెలంగాణ రాష్ట్రాల్లో 21.5 కోట్ల మేర వసూళ్లు సాధిస్తే లాభాల్లొకి వచ్చే పరిస్థితి ఏర్పడింది.
నాని కెరీర్లో అత్యధిక వసూళ్లు ఇవే
ఇక నాని కెరీర్లో ఇప్పటి వరకు భారీగా వసూళ్లు సాధించిన చిత్రాలు ఇవే.. జెర్సీ చిత్రం రూ.26 కోట్లు, దేవదాస్ 37.2 కోట్లు, కృష్ణాంజనేయ యుద్ధం 26 కోట్లు, ఎంసీఏ రూ.30 కోట్లు, నిన్నుకోరి రూ.20 కోట్లు, నేను లోకల్ రూ.20 కోట్ల వసూళ్లు సాధించాయి.