నోస్టాల్జిక్ టైటిల్‌తో నానీ సినిమా: టైటిల్ చూస్తే హ్యాపీగా ఫీల్ అవుతారు

డిసెంబర్ లో మూడో సినిమా

ఆల్రెడీ ఈ ఏడాది రెండు సినిమాల్ని రిలీజ్ చేసిన నాని డిసెంబర్ లో మూడో సినిమాని రిలీజ్ చేయడానికి సన్నాహాలు చేస్తున్నాడు. నాని రీసెంట్ మూవీ అయిన "ఎంసీఏ" డిసెంబర్ లో రిలీజ్ అవ్వనుందట. వేణు శ్రీరామ్ దర్శకత్వం వహించిన ఈ మూవీలో సాయి పల్లవి హీరోయిన్ గా నటిస్తుంది. ఇదిలా ఉంటే ఈ మూవీతో పాటు "కృష్ణార్జున యుద్ధం" అనే ఇంకో సినిమా షూటింగ్ తో బిజీగా ఉన్నాడు నాని.

త‌ర్వాతి సినిమాకు గ్రీన్ సిగ్న‌ల్

ఇప్పుడు రాబోతున్న ఎంసీఏ పై కూడా ప్రేక్ష‌కుల‌కు భారీ అంచ‌నాలున్నాయి. ఈ సినిమా షూటింగ్ దాదాపు పూర్తి కావ‌చ్చింది. అంతే ఇక ఏమాత్రం ఆలస్యం చేయకుండా త‌న త‌ర్వాతి సినిమాకు గ్రీన్ సిగ్న‌ల్ ఇచ్చేశాడ‌ని టాలీవుడ్ టాక్‌. అందులోనూ ఆ చిత్రానికి ఓ వెరైటీ టైటిల్ ను ఫిక్స్ చేశార‌ని వినికిడి. క‌థ‌ల ఎంపిక‌లో చాలా జాగ్ర‌త్త వ‌హించే నాని త‌న త‌రుప‌రి చిత్రం కిషోర్ తిరుమల దర్శకత్వంలో చేయనున్నాడు.

చిత్రలహరి

ఈ సినిమాకి 'చిత్రలహరి' అనే టైటిల్ దాదాపుగా ఫిక్స్ అయిన‌ట్టు తెలుస్తోంది. దూర‌ద‌ర్శ‌న్ చానెల్ లో ప్ర‌సారం అయిన చిత్ర‌ల‌హ‌రి కార్య‌క్ర‌మం బాగా పాపుల‌ర్ అయిన సంగ‌తి తెలిసిందే. దీంతో, జ‌నాల‌కు ఆ టైటిల్ బాగా క్యాచీగా ఉంటుంద‌ని భావిస్తున్నార‌ట‌. నాని త‌న సినిమాల‌క క‌థ‌ల విష‌యంలోనే కాకుండా, టైటిల్స్ విష‌యంలో కూడా సెల‌క్టివ్ గా ఉంటున్నాడ‌ట‌.

జనవరి లేదా ఫిబ్రవరి

వ‌చ్చే ఏడాది జనవరి లేదా ఫిబ్రవరిలో ఈ సినిమా సెట్స్ పైకి వెళ్ల‌నుంద‌ని టాక్ వినిపిస్తోంది. స‌మ్మ‌ర్ రేసులో ఈ సినిమాను విడుదల చేయాలనే ఆలోచనలో చిత్ర యూనిట్ ఉంద‌ట‌. రామ్‌, లావ‌ణ్య త్రిపాఠి జంట‌గా కిషోర్ తిరుమల తెర‌కెక్కించిన‌ చిత్రం 'ఉన్నది ఒకటే జిందగీ' త్వరలో ప్రేక్షకుల ముందుకురానుంది. దాని తర్వాత వచ్చే సినిమా నాని దే కావటం తో ఆ సినిమా కూడా మంచి హిట్ అవుతుందన్న నమ్మకం తోనే ఉన్నారట నిర్మాతలు.