Don't Miss!
- Lifestyle చింత చిగురు పప్పు: నోట్లో నీళ్ళు ఊరాల్సిందే.. వాసనకు కడుపు నిండాల్సిందే..
- Automobiles 2024 Jeep Wrangler Facelift Review జీప్ రాంగ్లర్ ఫేస్లిఫ్ట్ ఆఫ్రోడర్ పర్ఫామెన్స్ ఫుల్ రివ్యూ
- News జగన్ కు వైఎస్ వివేకా భార్య లేఖ-అవినాష్, వైసీపీ అటాక్ పై-న్యాయంవైపు నిలబడాలని విన్నపం..!
- Sports టీ20 వరల్డ్ కప్లో ధోనీ రీఎంట్రీ: బీసీసీఐ మాస్టర్ ప్లాన్!
- Finance Kotak Mahindra Bank: కొంపముంచి కోటక్ మహీంద్రా బ్యాంక్.. భారీగా పడిపోయిన స్టాక్..!
- Technology ఆపిల్ తరహా డిజైన్తో నాయిస్ స్మార్ట్వాచ్.. 1.85 అంగుళాల డిస్ప్లే, 7 రోజుల బ్యాటరీ లైఫ్తో విడుదల
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
చిత్ర సీమలో విషాదం.. నిర్మాత మృతిపై నారా రోహిత్, సుధీర్ వర్మ ఎమోషనల్
టాలీవుడ్లో విషాదం చోటు చేసుకుంది. నిర్మాత సందీప్ కొరిటాల హఠాత్తుగా మరణించారు. ఆదివారం నాడు ఉదయం గుండెపోటుతో ఆయన కన్నుమూశారు. సందీప్ కొరటాల మరణానికి సంతాపం తెలుపుతూ టాలీవుడ్ ప్రముఖుల సంతాపం వ్యక్తం చేస్తున్నారు. ఈ మేరకు హీరో నారా రోహిత్, దర్శకుడు సుధీర్ వర్మ ట్వీట్లు చేస్తూ ఎమోషనల్ అయ్యారు. ఈ ఇద్దరి సినిమాలకు సందీప్ కొరిటాల నిర్మాతగా వ్యవహరించారు. నాటి అనుబంధాన్ని గుర్తు చేసుకుంటూ వారు భావోద్వేగానికి గురయ్యారు.
ఆ రెండు చిత్రాలకు..
సుధీర్ వర్మ దర్శకత్వంలో నిఖిల్ సిద్ధార్థ్ హీరోగా వచ్చిన 'స్వామిరారా', పాటల రచయిత కృష్ణ చైతన్య దర్శకత్వంలో నారా రోహిత్ హీరోగా వచ్చిన 'రౌడీ ఫెలో' సినిమాలకు సందీప్ కొరిటాల సహ నిర్మాతగా వ్యవహరించారు. అందుకే నాటి బంధాన్ని గుర్తు చేసుకుంటూ ట్వీట్లు వేశారు.
శాంతి చేకూరాలి..
నా ఆత్మీయ స్నేహితుడు సందీప్ కొరిటాల మరణవార్త విని చాలా బాధపడ్డాను. 'స్వామిరారా' రూపొందించడంలో మీ ప్రోత్సాహాన్ని ఎప్పటికీ మరిచిపోలేను. మీ ఆత్మకు శాంతి చేకూరాలి సోదర. నిన్ను మేం కోల్పోతున్నాం అని సుధీర్ వర్మ ట్వీట్ చేశాడు. అంతే కాకుండా నాడు షూటింగ్ చేస్తుండగా సెట్లో దిగిన స్టిల్స్ను షేర్ చేస్తూ ఎమోషనల్ అయ్యాడు.
అందరి కంటే..
సందీప్ కొరిటాల మరణించిన విషయాన్ని ముందుగా నారా రోహిత్ అందరికీ తెలియజేశాడు. ఆయన వేసిన ట్వీట్తో ఈ విషయం బయటపడింది. నా రౌడీ ఫెలో సినిమా సహ నిర్మాత, నా శ్రేయోభిలాషి సందీప్ కొరిటాల ఇకలేరనే వార్త విని చాలా బాధపడ్డాను. ఈరోజు ఇంత బాధాకరంగా ప్రారంభమవుతుందని అనుకోలేదు. ఓం శాంతి అంటూ సందీప్ ఫోటోను షేర్ చేశాడు నారా రోహిత్.
సంతాపం..
ఇక ఈ వార్త తెలిసిన మరికొంత మంది సెలెబ్రిటీలు, దగ్గరి సన్నిహితులు సందీప్ మృతి పట్ల సంతాపాన్ని వ్యక్తం చేస్తున్నారు. ఇక నారా రోహిత్ తన కొత్త సినిమా అప్డేట్లు ఏవీ కూడా ఇంకా ప్రకటించలేదు. సుధీర్ వర్మ మాత్రం చివరగా రణరంగం అనే సినిమాతో నిరాశ పరిచాడు.