రోహిత్ రెండో సినిమా 'కమీనే'?

నారా వారి ఇంటి నుండీ వస్తున్న తొలి హీరో నారా రోహిత్. ఆయన నటించిన తొలి చిత్రం 'బాణం'. అశ్వనీదత్ కుమార్తెలు 'త్రీ ఏంజెల్స్' పతాకం పై ఈ చిత్రాన్ని నిర్మిస్తున్నారు. వీరికీ ఇది తొలి చిత్రమే. వినాయక చవితి సంధర్భంగా ఈ రోజే ఈ చిత్ర ఆడియో విడుదలయింది. వైవిధ్యంగా ఒక్కో పాటని ఒక్కో ఛానల్ లో విడుదల చేసారు. సెపెంబరులో ఈ చిత్రం విడుదలకానుంది. వేదిక(ముని ఫేం) కథానాయికగా నటించింది.

ఇక రోహిత్ తన రెండవ చిత్రంగా హిందీ సినిమా 'కమీనే' రీ-మేక్ లో నటించబోతున్నాడని సమాచారం. షాహిద్ కపూర్, ప్రియాంక చోప్రా జంటగా నటించిన ఈ చిత్రం ఇటీవలే విడుదలయి విజయవంతంగా ప్రదర్శింపబడుతోంది. రోహిత్ కూడా దీనికి సానుకూలంగా స్పందించినట్టు తెలిసింది. విశ్వసనీయ సమాచారం ప్రకారం 'బాణం' చిత్రం విడుదలయిన తర్వాత ఈ చిత్రం సెట్స్ పైకి వెళ్లనుంది.