సునీల్ ‘పూలరంగుడు’పై గ్రామస్థుల అటాక్

By Bojja Kumar

| Published: Wednesday, November 30, 2011, 16:24 [IST]

సునీల్ హీరోగా రూపొందుతున్న 'పూలరంగడు" సినిమా షూటింగ్ పై గ్రామస్థులు దాడి చేసిన ఘటన బుధవారం చోటు చేసుకుంది. ప్రస్తుతం పూలరంగడు షూటింగ్ హైదరాబాద్ శివారులోని శంషాబాద్ పరిసర ప్రాంతంలో జరుగుతోంది. ఇక్కడి నరుకోడ గ్రామంలోని అమ్మపల్లి దేవాలయంలో కొన్ని సీన్లు చిత్రీకరిస్తుండగా అక్కడికి చేరుకున్న గ్రామస్తులు యూనిట్ సభ్యులతో వాగ్వాదానికి దిగారు. గుడిని అపవిత్రం చేస్తున్నారని, ఇక్కడ షూటింగ్ జరుపడానికి వీల్లేదని ఆందోళనకు దిగారు. పోలీసులు రంగ ప్రవేశం చేయడంతో పరిస్థితి సద్దుమనిగినట్లు తెలిసింది.

సునీల్, ఇషా చావ్లా జంటగా నటిస్తున్న పూలరంగడు చిత్రాన్ని...ఆర్ఆర్ మూవీ మేకర్స్ సమర్పణలో మాక్స్ ఇండియా ప్రొడక్షన్స్ పతాకంపై 'అహనా పెళ్లంట" డైరెక్టర్ వీర భద్రం దర్శకత్వంలో ప్రముఖ నిర్మాత అచ్చిరెడ్డి నిర్మిస్తున్నారు. ప్రేమ కావాలి చిత్రానికి సూపర్ హిట్ మ్యూజిక్ అందించిన అనూప్ రుబెన్స్ ఈ చిత్రానికి మ్యూజిక్ అందిస్తున్నారు. సంక్రాంతి కానుకగా జనవరి 14న ఈ చిత్రాన్ని విడుదల చేసేందుకు సన్నాహాలు చేస్తున్నారు.