విద్యాబాలన్ తో డర్టీ గా రొమాన్స్ చేయటానికి నసీరుద్దీన్ షా

సిల్మ్ స్మిత జీవితం ఆధారంగా డర్టీ ఫిక్చర్ అనే చిత్రం బాలీవుడ్ లో రూపొందించటానికి సన్నాహాలు జరుగున్న సంగతి తెలిసిందే. విద్యాబాలన్ ప్రధానపాత్రలో చేయనున్న ఈ చిత్రంలో నసీరుద్దీన్ షా ని కూడా ఓ కీలకపాత్రకు ఎంపికచేసాడని సమాచారం. వీరిద్దరి మధ్యన కొన్ని రొమాంటిక్ సీన్స్ కూడా ఉండబోతున్నాయని తెలుస్తోంది. ఇందులో నసీరుద్దీన్ షా..విద్యాబాలన్ ని వివాహం చేసుకునే నిర్మాతగా కనిపించనున్నారు. ఇక ఈ చిత్రం మార్చినుంచి షూటింగ్ కి వెళ్ళనుంది. ఎక్కువ భాగం చెన్నైలోనూ, ముంబైలోని కొన్ని స్టూడియోల్లోనూ షూట్ చేస్తారు. మిలన్‌ లుథ్రియా దర్శకత్వంలో రూపొందనున్నఈ 'ది డర్టీ పిక్చర్‌' చిత్రం కోసం విధ్యాబాలన్ ఆ మధ్య అలాగే పశ్చమ గోదావరి జిల్లా ఏలూరు వచ్చి వెళ్ళింది. ఇక ఈ చిత్రాన్ని ఏక్తాకపూర్ నిర్మిస్తోంది. అజయ్ దేవగన్ ఓ కీలకమైన పాత్రలో కనిపించనున్నారు.