Click it and Unblock the Notifications
Don't Miss!
-
Radakishan Damani: దమానీ భారీ బెట్.. ఆ కంపెనీలో 2.33 లక్షల షేర్లు కొనుగోలు.. స్టాక్ దూకుడు -
జగన్ పై దాడి కేసులో పురోగతి-పోలీసుల అదుపులో 10 మంది-అప్ డేట్ ఇదే..! -
iPhone SE 4 భారీ డిస్ప్లే, మెరుగైన బ్యాటరీలతో ఐఫోన్ SE 4 స్మార్ట్ఫోన్.. స్పెసిఫికేషన్లు, ఫీచర్ల వివరాలు..! -
రాయల్ ఛాలెంజర్స్ నుంచి స్టార్ ప్లేయర్ అవుట్ -
శ్రీరామనవమికి పానకం, వడపప్పు.. ఈ కొత్త స్టైల్ ట్రై చేయండి.. -
ఇన్నోవా హైక్రాస్ కొత్త వేరియంట్ వచ్చేసింది - ధర, వివరాలు ఇక్కడ చూడండి -
శ్రీరామనవమి రోజున అయోధ్య రామాలయంలో అద్భుత ఘట్టం...
నిర్మాత సి.కళ్యాణ్ సెన్సార్ బోర్డ్‌ని మోసం చేశాడు
'శివతాండవం'ని లో బడ్జెట్‌తో నిర్మించానని, స్ట్రయిట్ చిత్రం అని చూపించి పన్నుని ఎగ్గొట్టడం కోసం ఇటు ప్రభుత్వాన్ని, అటు సెన్సార్ బోర్డ్‌ని మోసం చేశాడు నిర్మాత సి. కళ్యాణ్. ''శివతాండవం స్ట్రయిట్ చిత్రం కాదు.. అనువాద చిత్రం. కానీ సి.కళ్యాణ్ దీన్ని స్ట్రయిట్ చిత్రమని రాష్ట్ర ప్రభుత్వాన్ని, ఎఫ్‌డీసీని తప్పుదోవ పట్టించాడు'' అంటూ ఆరోపించారు నిర్మాతల సెక్టార్ అధ్యక్షుడు నట్టికుమార్. విక్రమ్, జగపతిబాబు కాంబినేషన్‌లో రూపొందిన తమిళ చిత్రం 'తాండవం'. యూటీవీ మోషన్ పిక్చర్స్ నిర్మించిన ఈ చిత్రాన్ని తెలుగులో 'శివతాండవం' పేరిట విడుదల చేస్తున్నారు సి.కళ్యాణ్.
ఈ సందర్భంగానే మీడియా సమావేశంలో నట్టికుమార్ మాట్లాడుతూ... సెన్సార్ బోర్డ్ నిబంధనలను తూచా తప్పకుండా పాటించాలని చెప్పే ధనలక్ష్మి కొన్ని చిత్రాల విషయంలో మాత్రం నియమాలు పాటించకపోవడం ఆశ్చర్యంగా ఉంది. 'శకుని' చిత్రం విషయంలో చూసీచూడనట్టుగా వ్యవహరించారామె. అది అనువాద చిత్రమైనప్పటికీ స్ట్రయిట్ చిత్రంగానే పరిగణించి సర్టిఫికెట్ ఇచ్చారు. కానీ, 'సెగ, మాస్క్' చిత్రాల విషయంలో మాత్రం నిజాయతీగా వ్యవహరిస్తామంటూ.. అనువాద చిత్రాలలానే పరిగణించారు. సి.కళ్యాణ్ చేస్తున్న మోసానికి అశోక్‌కుమార్, సెన్సార్ బోర్డ్ అధ్యక్షురాలు ధనలక్ష్మి సహకరిస్తున్నారు అన్నారు.
అలాగే...మాములుగా రెండు భాషల్లో సినిమా విడుదలవుతున్న నేపథ్యంలో రెండు చిత్రాలకు సంబంధించిన సీడీలను పరిశీలించాలి. ఆ తర్వాతే అది స్ట్రయిట్ చిత్రమా లేక అనువాద చిత్రమా అని ధృవీకరించి సెన్సార్ సర్టిఫికెట్ ఇస్తారు. కానీ 'శివతాండవం' విషయంలో దీన్ని ఉల్లంఘించారు. చలన చిత్ర వాణిజ్య మండలి కార్యదర్శి అశోక్ కుమార్ దీన్ని స్ట్రయిట్ చిత్రంగా ఆమోదించి, పబ్లిసిటీ క్లియరెన్స్ సర్టిఫికెట్ ఇస్తే, సెన్సార్‌బోర్డ్ క్లీన్ 'యు' సర్టిఫికెట్‌ను ఇచ్చింది. క్షుణ్ణంగా పరిశీలించి ఒకవేళ ఇది అనువాద చిత్రమైతే కళ్యాణ్‌పై తగిన చర్యలు తీసుకోవాలి అని నట్టికుమార్ డిమాండ్ చేసారు.
ఇక రెండు రాష్ట్ర ప్రభుత్వాలతో పాటు సినీ రంగం మీద ఆధారపడి బతుకుతున్న కొన్ని వేలమందిని మోసం చేస్తున్నాడు. దక్షిణభారత చలన చిత్ర మండలి అధ్యక్షుడిగా ఉంటూ కళ్యాణ్ ఇలా చేయడం తగదు. అతనిపై సివిల్, క్రిమినల్ కేసు పెట్టాలని ఎఫ్‌డీసీ కమిషనర్ చంద్రవదన్, సినిమాటోగ్రఫి మంత్రి డి.కె.అరుణను కోరుతున్నాను. ఈ విషయాన్ని ముఖ్యమంత్రి దృష్టికి కూడా తీసుకెళ్లాలనుకుంటున్నాను. మంగళవారం నుంచి ఆమరణ నిరదీక్ష చేయాలనుకుంటున్నాను అని చెప్పారు.
