శ్రీరెడ్డికి నాని లీగల్ నోటీసులు.. ఆ చెత్త సిగ్గుచేటు.. పరువునష్టం దావా!

వారిలా దిగజారలేను..

వారిలా నేను దిగజారుడు మాటలు మాట్లాడలేను. వారికి దిగజారుడు పద్దతిలో స్పందించలేను. వాళ్లు కోరుకొన్నట్టుగా వారికి ఏదీ ఇచ్చుకోలేను. వారు చేస్తున్న దిగజారుడు ఆరోపణలకు ధీటుగా లీగల్ చర్యలు తీసుకొంటాను. పరువు నష్టం కేసు కింద వారికి లీగల్ నోటీసులు వెళ్లాయి అని నాని ట్వీట్‌లో పేర్కొన్నారు.

కొందరిని టార్గెట్ చేయడం దారుణం

ఏదో ఇష్టం వచ్చినట్టుగా కొందరిని టార్గెట్ చేస్తూ వారిని బ్లాక్ మెయిల్ చేయడం దారుణం. వారి ప్రతిష్ఠకు భంగం వాటిల్లే విధంగా అవాస్తవాలను ప్రచారం చేయడం నాన్‌సెన్స్. అలాంటి చర్యల ద్వారా నన్ను వేధించాలని ప్రయత్నాలు చేస్తున్నారు. డిస్టర్బ్ చేస్తున్నారు అని నాని ట్విట్టర్‌లో వెల్లడించారు.

ఆ చెత్తనంతా పబ్లిష్ చేయడం

నా మీద చేస్తున్న దాడికి నేను ఆందోళన చెందడం లేదు. నా భయమంతా సమాజం గురించి, అందులో జీవిస్తున్న ప్రతీ ఒక్కరి గురించి మాత్రమే. ఏదో అవాస్తవాలను సోషల్ మీడియా ద్వారా ప్రచారం చేయడం, ఆ చెత్తనంతా కొందరు కొన్ని క్లిక్స్ కోసం పబ్లిష్ చేయడం దారుణం.

సహనానికి హద్దు ఉంది

ప్రతీ ఒక్కరికి కుటుంబాలు ఉన్నాయనే విషయాన్ని అర్థం చేసుకోవాలి అని నాని ఆవేదన వ్యక్తం చేశారు. ఎవరెన్నీ ఆరోపణలు చేసినా నేను పట్టించుకోను. ఇకపై కూడా ఎలాంటి చెత్తపై నేను కామెంట్ కూడా చేయను. సహనానికి ఓ హద్దు ఉంటుంది అని నాని అన్నారు. సామాజిక మాద్యమాల్లో ఓ హీరోయిన్ తనపై నిరాధారమైన ఆరోపణలు చేస్తూ పరువుకు భంగం కలిగిస్తుందంటూ తన న్యాయవాది ద్వారా నాని నోటీసులిచ్చారు. ఈ నేపథ్యంలో నోటీసులు అందిన ఏడు రోజుల్లోగా సదరు నటి సిటీ సివిల్ కోర్టుకు సమాధానం ఇవ్వాలని నాని తరుపు న్యాయవాదులు సూచించినట్టు సమాచారం.

బిగ్‌బాస్2 హోస్ట్‌గా నాని

తెలుగు బిగ్‌బాస్2 షో ఆదివారం ప్రారంభమైంది. ఈ కార్యక్రమానికి నాని హోస్ట్‌గా వ్యవహరిస్తున్న సంగతి తెలిసిందే. హోస్ట్‌గా నాని మంచి ఆదరణతోపాటు, బుల్లితెర ప్రేక్షకుల నుంచి మంచి స్పందన కూడా వచ్చింది.

నానీ ట్వీట్‌కు శ్రీరెడ్డి జవాబు

నాని ట్విట్టర్‌లో పోస్టు చేసిన లీగల్ నోటీసుకు సంబంధించిన దానికి శ్రీరెడ్డి తిరుగు జవాబిచ్చింది. తప్పుకుండా మనం లీగల్‌గా ఫైట్ చేద్దాం అని నానీ ట్వీట్‌ను రీట్వీట్ చేయడం గమనార్హం.