ఆ పబ్ నాది కాదు: పనిగట్టుకుని మరీ చెప్తున్నాడేంటి?

హైదరాబాద్ : హాయ్ గైస్.. బీట్స్ పర్ మినిట్ నాది కాదు. కొంత మంది స్నేహితులు ఈ అద్భుతమైన ప్లేస్ ని స్టార్ట్ చేస్తే హెల్ప్ చేస్తున్నానంతే. నాదైతే బాగుండునని కోరుకుంటున్నా కూడా అంటూ ట్వీట్ చేశాడు నవదీప్.సినిమాల కన్నా ఎక్కువగా వివాదాలతో వార్తల్లో ఉండే యువ హీరో నవదీప్ సొంతగా ఓ పబ్ ను తెరిచాడంటూ మీడియాలో వార్తలు గుప్పు మన్నాయి. బీట్స్ పర్ మినిట్ పేరుతో హైదరాబాద్ గచ్చిబౌలి సమీపంలో రీసెంట్ గా ఓ పబ్ ప్రారంభమైంది.ఆ పబ్... టేస్టీ ఫుడ్, రకరకాల డ్రింక్స్, డీజే హోరు, డాన్స్ ఫ్లోరుతో సరదాగా ఎంజాయ్ చేద్దామనుకునేవాళ్లకు తెగ నచ్చుతోందంటున్నారు. నవదీప్ తో పాటు మరికొంతమంది కొందరు సినీ స్నేహితులు ఈ పబ్ పై పెట్టుబడి పెట్టినట్లు సమాచారం.సినిమాల్లో హీరోగా ఎలాగో క్లిక్ కాలేకపోయిన నవదీప్ ..మొత్తానికి లాభసాటి వ్యాపారం ఎంచుకున్నాడన్నది ఇండస్ట్రీ వర్గాల కామెంట్. ఇదివరకు తన ఫామ్ హౌస్ లో రేవ్ పార్టీ పెట్టాడంటూ వచ్చిన వార్తను తీవ్రంగా ఖండించిన నవదీప్.. అది రేవ్ పార్టీ కాదు, గృహ ప్రవేశం అంటూ మీడియాకి పెద్ద క్లాస్ ఇచ్చిన విషయం తెలిసిందే. ఇదిగో ఇప్పుడు ఇలా పబ్ వార్తలతో మరోసారి వార్తల్లో నిలిచాడు.

More from Filmibeat