బాలకృష్ణ సరసన సీత పాత్రకో నో చెప్పిన నయనతార

బాపు దర్శకత్వంలో రూపొందుతున్న రామరాజ్యం సినిమాలో బాలకృష్ణ సరసన నయనతార సీతగా నటించబోతున్నట్లు వార్తలు వచ్చాయి. ఈ వార్త ఫిల్మ్ నగర్ లో గుప్పుమంది. వెంటనే నయనతార తన వాదనను వినిపించింది. ఆ వార్తను నయనతార సన్నిహిత వర్గాలు కొట్టిపారేశాయి. ఆ పాత్ర కోసం చాలా కాలం క్రితం నయనతారను అడిగిన విషయం నిజమేనని, ఆ పాత్రను నయనతార పోషిస్తున్నట్లు వార్తలు వ్యాపించాయని, అందులో నిజం లేదని ఆ వర్గాలు చెప్పాయి. నిజానికి, తాను సీత పాత్రకు అంగీకరించలేదని చెప్పడానికి నయనతారనే మీడియా ముందుకు రావాల్సి ఉంది. అయితే, అందుకు ఆమె భయపడిందట. ప్రభుదేవాతో తన పెళ్లి గురించి మీడియా అడుగుతుందనే భయంతో ఆమె మీడియా ముందుకు రాలేదని చెబుతున్నారు.