హాట్ స్టార్ నయనతార దేనికి సింబల్ ?

నయనతార దేనికి సింబల్ అనే డౌట్ ఇప్పుడు కన్నడ ప్రేక్షకులకు కలుగుతోంది. ఆమె తాజాగా కన్నడ పరిశ్రమలోకి ఎంట్రీ ఇస్తూ 'సింబల్‌' అనే చిత్రాన్ని కమిట్ అయింది. కన్నడ సూపర్ స్టార్ ఉపేంద్ర సరసన ఆమె చేయబోతోంది. ఈ మేరకు బెంగళూరులోని శేషాద్రిపురంలో గల మహాలకి గుడిలో పూజా కార్యక్రమాలు జరిగాయి. ఉపేంద్ర హీరోగా చేయటమే కాక దర్శకత్వం కూడా వహిస్తున్నాడు. కన్నడంలో స్టార్ ప్రొడ్యూసర్ గా పేరు పొందిన రాక్‌లైన్‌ వెంకటేష్‌ ఈ చిత్రాన్ని నిర్మిస్తున్నారు. ఇక ఈ చత్రం యాక్షన్ ఎంటర్టైనర్ అని చెప్తున్నారు. అలాగే ఈ చిత్రానికి ముందే నయనతార కన్నడ రంగప్రవేశం చేయాల్సి ఉంది. 'కీచక' అనే చిత్రంలో హీరో రవిచంద్రన్‌ నయనతారను కథానాయికగా నటింపజేయాలని ప్రయత్నం చేశారు. అయితే ఆ ప్రాజెక్టు ముందుకు వెళ్ళలేదు. దాంతో ఈ 'సింబల్‌'తో తో నన్నా మరిన్ని అవకాశాలు వస్తాయని భావిస్తోంది. ప్రస్తుతం ఆమె తెలుగులో బాలకృష్ణ సరసన 'సింహా', తమిళంలో ఆర్య పక్కన 'బాస్‌ ఎన్‌గిర భాస్కరన్‌' చిత్రాల్లో నటిస్తోంది. మలయాళంలో ఆమె నటించిన 'బాడీగార్డ్‌' ఇటీవలే విడుదలైంది.