ఎన్టీఆర్ తో నయనతార

By Staff

| Published: Thursday, December 18, 2008, 10:07 [IST]

నయనతార తెలుగులో మళ్ళి వరస ఆఫర్స్ తో చెలరేగుతోంది. తాజాగా ఆమె ఎన్టీఆర్ సరసన ఆఫర్ సంపాదించింది. ఇఫ్పటికే ఆ సినిమాలో కమిట్ అయ్యి చేస్తున్న ఇలియానాని ప్రక్కన పెట్టి ఆమెకీ అవకాశం కల్పించారు. దాంతో వి.వి.వినాయిక్ మూడో సారి(యోగి,లక్ష్మి) తనకిష్టమైన నయనతారకి అవకాశం కల్పించినట్లయింది.మొదట నయనకే ఆఫర్ చేద్దామనుకున్నా ఆమె రెమ్యునేషన్ చూసి వద్దనుకున్నారు. అయితే మారిన పరిస్ధితుల్లో నయన తన పారితోషికాన్ని తగ్గించుకున్నానని గతంలోలాగేన తనని ఎంకరేజ్ చేయాలని తెలిసున్న దర్శక,నిర్మాతలు అడగటం జరిగింది. దాంతో వరసగా ఆఫర్స్ వస్తున్నాయి.

ఇదే కోవలో పూరీ,పవన్ సినిమాలోనూ ఆమె ఆఫర్ సంపాదించింది. ఇప్పుడు ఏకంగా ఇలియానాకే ఎసరు పెట్టి మరీ ఈ ప్రాజెక్టులోకి దూరింది. అయితే ఇలియానా కాలికి ఈ మధ్య చిన్నపాటి గాయం కావడంతో కాల్షీట్లు సర్దుబాటు సమస్య వచ్చింది అందుకే ఈ మార్పు అని చెప్పటం జరుగుతోంది. ఇక వైష్ణవి ఆర్ట్స్‌ సంస్థ పై ఈ చిత్రాన్ని నిర్మిస్తున్నారు. ఇప్పటికే ఈ చిత్రంలోని కొన్ని కీలక సన్నివేశాల్నీ,ఫైట్స్ నీ తెరకెక్కించారు. ఇక ఎన్టీఆర్‌ - నయన కలిసి నటించే తొలి చిత్రమిదే. అలాగే రెండో నాయిక అవకాశం 'చిరుత' భామ నేహా శర్మకి దక్కిందనే సంగతి తెలిసిందే. ఈ నెల చివరి వారం నుంచి మరో షెడ్యూల్‌ మొదలవుతుంది.ఇక నయనతార స్పీడు చూస్తూంటే మరెంతమంది హీరోయిన్స్ కీ ట్విస్ట్ ఇస్తుందో నని అంతా అంటున్నారు.