రూ.కోటి ఆఫర్: నయనతార ప్రచారం చేస్తుందా?(ఫోటోలు)

ఫిల్మ్ స్టార్స్ అండ్ ఎండార్స్‌మెంట్ డీల్స్

సినిమా రంగంలో టాప్ సెలబ్రిటీలుగా వెలుగొందుతున్న వారికి వ్యాపార ప్రకటనల్లో నటించడం మంచి సైడ్ ఇన్‌కంగా మారింది. వీటిల్లో నటించడం ద్వారా పెద్దగా కష్టపడకుండానే ఎక్కవ మొత్తంలో సంపాదిస్తున్నారు.

నయనతార తోటి హీరోయిన్ల డీల్స్

నయనతార తోటి హీరోయిన్లయిన అసిన్, త్రిష, అనుష్క శెట్టీ, కాజల్ అగర్వాల్ తదితరులు వివిధ పెద్ద పెద్ద చీరల దుకాణాల తరుపున ప్రచారం చేస్తున్నారు. వారు ఒక్కో డీల్‌కు రూ. 15 లక్షల నుంచి రూ. 20 లక్షల వరకు సంపాదిస్తున్నారు.

నయనతార ఎందుకు దూరంగా ఉంటోంది?

ఇతర హీరోయిన్లతో పోలిస్తే నయనతారకు ఉన్న స్టార్ ఇమేజ్, ఫ్యాన్ ఫాలోయింగ్ తక్కువేమీ కాదు. ఆమె డిమాండ్ చేస్తే ఎంత ఇవ్వడానికైనా ఆయా సంస్థలు రెడీగా ఉన్నాయి. కానీ ఎందుకో మొదటి నుంచి వ్యాపార ప్రకటనల్లో నటించడానికి ఆసక్తి చూపడం లేదు.

అలా చెప్పడం నయనకు ఇష్టం ఉండదు

మీరు ఎందుకు వ్యాపార ప్రకటనల్లో నటించడం లేదని అడిగితే....‘నేను పలానా సబ్బు వాడటం లేదు, అలాంటపుడు నా బ్యూటీ సీక్రెట్ ఆ సబ్బే అని ఎలా చెప్పను? సాఫ్ట్ డ్రింకులు తాగడం నాకు ఇష్టం ఉండదు. అలాంటపుడు నా ఎనర్జీ సీక్రెట్ అదే అని ప్రేక్షకులను నమ్మించడం ఇష్టం ఉండదు' అని అంటోంది.

నయనతార ఒప్పుకుంటే...?

నయనతార లాంటి స్టార్ హీరోయిన్ ఒప్పుకుంటే చాలా వ్యాపార సంస్థలు ఆమెతో ప్రచారం చేయించడానికి రెడీగా ఉన్నాయి. ఒక్కసారి ఆమె గ్రీన్ సిగ్నల్ ఇస్తే ఆమె కోసం క్యూ కడతారని వ్యాపార వర్గాలు అంటున్నాయి.