దర్శకుడితో నయనతార ఎఫైర్, ఫోటోలు హల్ చల్..(?)

By Bojja Kumar

Published: Friday, June 12, 2015, 12:32 [IST]

హైదరాబాద్: సౌతిండియా స్టార్ హీరోయిన్లలో ఒకరైన నయనతార ప్రొఫెసన్ పరంగా ఎప్పుడూ టాప్ పొజిషన్లోనూ ఉంటూ వస్తోంది. అదే సమయంలో ఎఫైర్లు, ప్రేమ వ్యవహారాల విషయంలోనూ ఆమె ఓ అడుగు ముందే ఉంటుంది. అప్పట్లో శింబు, ప్రభుదేవాలతో నయనతార ప్రేమ వ్యవహారం ఓ సంచలనం. ఆ విషయం అందరికీ తెలిసిందే.

ఆ ఇద్దరితో బ్రేకప్ అయిన తర్వాత ఒంటరిగానే ఉంటూ తన సినిమా కెరీర్ మీదనే దృష్టి పెట్టిన నయనతార మళ్లీ ప్రేమలో పడ్డట్లు ఆ మధ్య తమిళ మీడియాలో వార్తలు గుప్పుమన్నాయి. విజయ్ సేతుపతి, నయనతార హీరో హీరోయిన్లుగా ధనుష్ నిర్మిస్తున్న చిత్రానికి విఘ్నేష్ శివన్ దర్శకత్వం వహిస్తున్నారు.

సినిమా సెట్లో ఇద్దరూ సన్నిహితంగా మెలుగుతున్నారని, ఇటీవల ఇద్దరూ కలిసి మాల్దీవుల్లో గడిపి వచ్చినట్లు, అతనికి నయనతార ఓ ఖరీదైన కారు గిఫ్టుగా కొనిచ్చినట్లు ఆ మధ్య వార్తలు వినిపించాయి. తర్వాత ఇద్దరూ చర్చిలో పెళ్లి చేసుకున్నట్లు కూడా జాతీయ మీడియాలో వార్తలు రావడంతో ఇద్దరూ స్పందించారు.

తమకు వివాహం కాలేదని, అవి కేవలం పుకార్లు మాత్రమే అని అతను స్పష్టం చేసారు. ఈ మేరకు తన ట్విట్టర్ ద్వారా క్లారిటీ ఇచ్చారు. ఇలాంటి వార్తలు తమకు ప్రొఫెషనల్ గా, పర్సనల్ గా నష్టం కలిగిస్తాయని, మీడియా ఆధారం లేని వార్తలు రాయొద్దని విఘ్నేష్ శివన్ రిక్వెస్ట్ చేసారు. ఈ విషయమై ఎలర్టైన నయనతార వెంటనే స్పందించారు. ఈ వార్తలో నిజం లేదని, తన దృష్టి కేవలం సినిమాలపైనే ఉందని ఆమె స్పష్టం చేశారు.

కాగా...వాళ్లిద్దరూ ఆ విషయాలను ఖండించినప్పటికీ, తమిళ మీడియాలో ఇద్దరి మధ్య ఏదో సంథింగ్ నడుస్తుందనే వార్తలు ఆగడం లేదు. అందుకు కారణం ఇద్దరూ సన్నిహితంగా మెలగడమే. సోషల్ మీడియాలో ఈ ఇద్దరూ సన్నిహితంగా దిగిన ఫోటోలు హల్ చల్ చేస్తుండటం పలు అనుమానాలకు దారి తీస్తోంది. ఆ ఫోటోలపై మీరూ ఓ లక్కేయండి.