డోసు మరీ ఎక్కువైంది: నయనతార మూవీకి అడల్డ్ సర్టిఫికెట్

భయ పెడుతున్న టీజర్

డోర తెలుగు, తమిళ భాషల్లో ఒకేసారి విడుదలకు ముస్తాబవుతోంది. ఈ చిత్రంపై అంచనాలు భారీగానే ఉన్నాయి. ఈ చిత్రానికి కెమెరా: దినేష్, సంగీతం: వివేక్, నిర్మాత: మల్కాపురం శివకుమార్.

కథేంటి?

గతంలో ఆత్మ ఆవహించిన కారు కాన్సెప్టుతో తెలుగులో 'కారు దిద్దిన కాపురం' అనే సినిమా వచ్చి విజయవంతం అయ్యింది. ఇప్పుడు అలాగే..దెయ్యం పట్టిన కారుని మనం చూడబోతున్నాం. అయితే ఆ కారు ఎవరిదీ అంటే...నయనతార ది. దెయ్యం పట్టిన కారుతో నయనతార పడే తిప్పలే డోర కథ అంటున్నారు.

నయనతార

సినీ పరిశ్రమలోకి వచ్చి ఏళ్లు గడుస్తున్న కొద్దీ విజయాలు అందుకుంటూ మరింత ఉత్సాహంగా ముందుకు సాగుతోంది కేరళకుట్టి నయనతార. ఇటీవల హర్రర్‌, థ్రిల్లర్‌ కథాంశంతో రూపుదిద్దుకున్న 'మాయ'లో తన నటనతో అన్ని వర్గాల ప్రేక్షకులను అలరించింది. ఇప్పుడు అదే తరహాలోని దెయ్యం కథతో రూపొందుతున్న 'డోరా'లో ఆమె నటిస్తోంది. దర్శకుడు సర్గుణం ఈ చిత్రానికి నిర్మాత. ఆయన సహాయకుడు దాస్‌ రామస్వామి దర్శకుడిగా పరిచయం అవుతున్నారు.

అదే ముఖ్యం

హారర్ కాన్సెప్టు సినిమాలకు మ్యూజిక్, బ్యాగ్రౌండ్ స్కోర్ చాలా ముఖ్య. వివేక్‌ మెర్విన్‌ ఈ బాధ్యతను తీసుకున్నారు. సినిమాటోగ్రాఫర్‌గా దినేష్‌కృష్ణన్‌ వ్యవహరిస్తున్నారు. ఇప్పటికే షూటింగ్ పూర్తయింది. ఈ నెలాఖరు(మార్చి 31) లేదా ఏప్రిల్ మొదటి వారంలో సినిమా రిలీజ్ అయ్యే అవకాశం ఉంది.