బాలయ్య అభిమానులకు శుభవార్త!

బాలకృష్ణ,ప్రియమణి జంటగా మహదేవ్ దర్శకత్వంలో రూపొందనున్న చిత్రం నిన్న(9న) హైదరాబాద్ స్టేట్ గ్యాలరీ లో నిరాడంబరంగా ప్రారంభంఅయ్యింది. మీడియాని కూడా ఎవరినీ ఎలౌ చేయలేదు. ఇక విజయ దసమి సందర్బంగా ప్రారంభమైన ఈ చిత్రాన్ని శ్రీదేవి మూవీస్ పతాకంపై శివలంక కృష్ణ ప్రసాద్ నిర్మిస్తున్నారు. తొలి సన్నివేశానికి వెంకటేష్ క్లాప్ ని ఇవ్వగా,కె.రాఘవేంద్రరావు స్విచ్చాన్ చేసారు.చిత్రం రెగ్యులర్ షూటింగ్ ని రాజమండ్రి,హైదరాబాద్,మలేషియా లలో జరిపి ఏప్రియల్ లో రిలీజ్ చేయనున్నారు.

ఇక ఈ చిత్రం కోసం బాలయ్య చాలా కథలు వినటం జరిగింది. పాండురంగడు ఆశించిన ఫలితాన్ని ఇవ్వకపోవటంతో ఆయన కల్పిక కథలు,పౌరాణిక చిత్రాలు కన్నా వాస్తవిక చిత్రాలకే ప్రయారిటి ఇస్తాననటంతో ఈ కథని వినిపించటం జరిగింది. రాజమౌళి తండ్రి విజయేంద్ర ప్రసాద్ చెప్పిన ఈ కథ ఆయనకు నచ్చటంతో మొదటి సారే ఓకే చేసేసారు. విజయేంద్ర ప్రసాద్ గతంలో బాలయ్యతో బొబ్బిలి సింహం చిత్రానికి కథలు రూపొందించారు. ఇక నిర్మాత కృష్ణ ప్రసాద్ గతంలో ఆదిత్యా 369,వంశానికొక్కడు, భలేవాడివి బాసు చిత్రాలు రూపొందించారు.

అలాగే ఈ చిత్రానికి మాటలు రత్నం,కాస్ట్యూమ్స్ డిజైన్స్ రమారాజమౌళి,సంగీతం మణిశర్మ,ఆర్ట్ ఆనంద సాయి,స్టంట్స్ రామ్-లక్ష్మన్ అందిస్తున్నారు. ఇక ఈ చిత్రంలో చంద్రమోహన్,బ్రహ్మానందం,ప్రదీప్ రావత్,తణికెళ్ళ భరణి,ఆహుతి ప్రసాద్,ధర్మవరరపు సుబ్రమణ్యం మిగతా ముఖ్య పాత్రల్లో కనిపించనున్నారు.ప్రియమణి నందమూరి వంశం వారితో నటించటం ఇది మూడో సారి. గతంలో యన్టీఆర్ తో యమదొంగ,కళ్యాణ్ రామ్ తో హరేరామ్ చిత్రాల్లో ఆమె చేసింది.