'గోదావరి' పిల్లకీ తప్పలా...

By Staff

Published: Tuesday, March 10, 2026, 16:09 [IST]

'గోదావరి' సినిమాలో అచ్చ తెలుగు అమ్మాయిగా సుమంత్ మనసుపడే మరదలు గా కనపడి కనువిందుచేసిన అందం నీతూచంద్ర. ఆ మధ్య 'ట్రాఫిక్ సిగ్నల్' లో కూడా చక్కని పాత్ర చేసి డీ గ్లామరైజ్ పాత్రలకూ సై అంది. కానీ ఇవన్నీ కలసి వచ్చినట్లుగా ఆమెకు ఆఫర్లు కరువయ్యాయి. ఇలా మడి కట్టుకుకూర్చుంటే మూలనే మిగులిపోతామని అర్ధంచేసుకుంది. దాంతో కొద్దిగా రూల్స్ సడిలించి ఫొటోలుకు ఫోజులిచ్చింది. ఆ ఎఫెక్టు పూర్తిగా వర్కవుట్ అయ్యింది. ఇప్పుడో ఐటం సాంగ్ ఆఫర్ వచ్చింది.

'సమ్మర్ 2007' పేరుతో రెడీ అవుతున్న సినిమాలో ఆమె తడి..తడి అందాలను ఆ సాంగ్ లో చూపి కనువిందుచేస్తుందిట. దాంతో హీరోయిన్ టు ఐటమ్ బాంబ్ లిస్ట్ లో నీతూ చంద్ర కొత్తగా కలిసినట్లయింది. బాలీవుడ్ లో ఈ మధ్య పేరున్న హీరోయిన్ లు ఐష్, కత్రినా, బిపాషా, ప్రియాంకాచోప్రా,ఈషాడయోల్ ...తమ అందచందాలను తెరపై స్పెషల్ గా ఒక పాటలో చూపటానికి ఇష్టపడి కొత్త ట్రెండ్ కి తెరలేపారు. ఇప్పుడా ట్రెండు టాలీవుడ్ కీ పాకింది. ఇక ఆ ట్రెండుని అందిపుచ్చుకోవటానికి మిగతా హీరోయిన్లు కీ తప్పేటట్లలేదు.

నిజానికి ఆసక్తి లేక పోయినా నీతూ నేను సైతం అనాల్సివచ్చింది. నీతూ చంద్ర కూడా ఈ వరసలో చేరటం బాలీవుడ్ లో అందరికీ చర్చనీయాంసంగా మారింది. అయినా 'సమ్మర్ 2007' సినిమాని శీతాకాలంలో రిలీజు చేసి సమ్మర్ ఎఫెక్టు నీతూ తో సృష్టిస్తారేమో చూద్దాం.

More from Filmibeat