నేహా ధూపియా బికినీ పాఠాలు

By Staff

| Published: Wednesday, May 7, 2008, 19:01 [IST]

బాలీవుడ్ శృంగార తార నేహా ధూపియా ఇప్పుడు సీనియర్ గా గ్లామర్ పాఠాలు చెబుతోంది. అవి కూడా ఆమె పాత్రలకు తగ్గట్టుగానే హాట్ హాట్ గా ఉంటున్నాయి. ఈ మధ్య హీరోయిన్లు అవసరం ఉన్నా, లేకున్నా బికినీలు వేసుకుని సినిమాల్లో కనిపించడం మామూలై పోయిందని ఆమె తాజాగా మూతి మూడు వంకర్లు పెట్టి అంటోంది. దర్శక నిర్మాతలు దాన్నో కమర్షియల్ అంశంగా భావిస్తున్నారని, ఇటువంటి కథనాలకు మీడియా కూడా ఎక్కువ ప్రాధాన్యం ఇస్తోందని, కథ లేకుండా ఎన్నిసార్లు బికినీలు వేసుకుని తెరపై శృంగారం ఒలకబోసినా శ్రమ వృధానే అవుతుదని ఆమె అంటోంది.

ఖయామత్ సినిమాలో తాను రెచ్చిపోయి బికినీలో అందాలు ఆరబోసినా ప్రేక్షకులు పెద్దగా పట్టించుకోకపోవడాన్ని ఆమె నెమరేసుకుంది. మీరు ఇంత పాపులారిటీ తెచ్చిన సినిమా ఏదని అడిగితే జూలీ అని టకీమని చెప్పేసింది. ఇప్పటికీ తనను జూలీ పాపగా గుర్తు పట్టి ఆదరిస్తున్నారట. నేహా ధూపియాకు అంత పాపులారిటీ తెచ్చిన జూలీకి అప్పట్లో ఎ సర్టిఫికెట్ వచ్చింది. తెలుగులో నేహా ధూపియా రాజశేఖర్ సరసన విలన్ సినిమాలో చేసింది. కానీ ఎవరికీ పెద్దగా గుర్తు లేదు.