తెరపై 'నెహ్రూ -ఎడ్వీనా' రొమాన్స్...

By Staff

| Published: Tuesday, July 1, 2008, 14:48 [IST]

చరిత్రకూ,చారిత్రిక వ్యక్తుల జీవిత చరిత్రలకూ ఎప్పుడూ డిమాండు ఉంటుంది. ఎందుకంటే అవంటే ప్రజలకు భలే ఆసక్తి. దాంతో చారిత్రిక చిత్రాలకూ ఎక్కడలేని మార్కెట్ ఉంటుంది. ఇది గమనించే హాలీవుడ్ ఈ తరహా చిత్రాలకు అంకురార్పణ చేస్తుంది. ఆ కోవలో ఇప్పుడు మన దేశానికి చెందిన కథని అక్కడ వారు తెరకెక్కిస్తున్నారు. భారత్ మొదటి ప్రధాని జవహర్‌లాల్ నెహ్రూ, చివరి బ్రిటీష్ వైస్రాయ్ భార్య ఎడ్వీనా మౌంట్‌బాటెన్‌ల ప్రణయగాథ అందరికీ సుపరిచితమే.అదే త్వరలో తెరకెక్కనుంది. హాలీవుడ్ నటుడు హూజ్ గ్రాంట్ ఈ మూవీలో లార్డ్ మౌంట్‌బెన్ పాత్రను, ఎడ్వీనా పాత్రను క్యాటే బ్లాంచెట్ పోషించనున్నట్లు బ్రిటీష్ మీడియాలో కథనాలు వెలువడ్డాయి. బ్రిటీష్ పాలన చివరి దశలో నెహ్రూ - ఎడ్వీనాల మధ్య సాగిన ప్రేమాయణం వివరాలున్న 'ఇండియన్ సమ్మర్' అనే పుస్తకం ఆధారంగా ఈ సినిమాను నిర్మిస్తారు.

ఇందులో మౌంట్ బాటెన్, ఎడ్వీనా, నెహ్రూ, గాంధీ, జిన్నా పాత్రలకు అధిక ప్రాధాన్యం ఉంటుందని రచయిత అలెక్స్ పేర్కొన్నారు. చారిత్రాత్మక నిర్ణయాలు తీసుకునే సమయంలో వీరిద్దరి మధ్య ఉన్న సంబంధం చాలా ప్రాముఖ్యమైన విషయంగా తాను భావిస్తున్నట్లు రచయిత తెలిపారు. అయితే ఈ విషయాలను ఇంతలా తవ్విపోస్తున్న పుస్తకం రచయిత అలెక్స్ మరెవరో కాదు.... మౌంట్‌బాటెన్, ఎడ్వీనాల కూతురు కావడం మే పెద్ద ట్విస్టు. ఇక ఈ సినిమా హాలీవుడ్ క్లాసిక్ కాసాబ్లాంకా లా చరిత్రలో నిలబడిపోతుందని దర్శక,నిర్మాతలు భావిస్తున