Master పరుపుపాయే.. ఏకిపారేస్తున్న నెటిజన్లు.. డిజాస్టర్ అంటూ నేషనల్ వైడ్‌ ట్రెండ్

‘మాస్టర్'పై డివైడ్ టాక్..

ఎన్నో అంచనాల నడుమ వచ్చిన మాస్టర్ సినిమాకు డివైడ్ టాక్ వచ్చింది. లోకేష్ కనకరాజ్ దర్శకత్వంలో వస్తోందని, ఏదైనా కొత్తగా ఉంటుందని అంతా భావించారు. కానీ చివరకు అది కూడా బెడిసి కొట్టింది. మాస్టర్ సినిమాలో విజయ్, విజయ్ సేతుపతి బిల్డప్‌లు తప్పా ఏమీ లేదని అందరూ తేల్చిపడేశారు.

విజయ్ ఫ్యాన్స్ కోసమే..

మాస్టర్ సినిమా కేవలం దళపతి విజయ్ ఫ్యాన్స్ కోసమే తీసినట్టుగానే ఉందని సాధారణ ప్రేక్షకులు కామెంట్ చేశారు. ప్రతీ సీన్ ఎలివేషన్, అనవసరపు బిల్డప్ షాట్లు, మాస్ ప్రేక్షకులను మెప్పించాలనే తాపత్రయమే కనిపించిందని ఎక్కడా కూడా కథ కథనాలు ఆకట్టుకోలేదని కామెంట్లు చేశారు.

యావరేజ్ టాక్..

ఇక మాస్టర్ సినిమాపై ఫ్యాన్స్ ఎంత రేటింగ్ ఇచ్చుకున్నా.. చొక్కాలు చించుకుని అరిచినా కూడా సాధారణ ప్రేక్షకులు మాత్రం పెదవి విరిచారు. అలా నార్మల్ ఆడియెన్స్ యావరేజ్ అని తేల్చేశారు. అది కూడా విజయ్ సేతుపతి ఉండటంతో ఆమాత్రమైనా నిలబడిందని సెటైర్లు వేస్తున్నారు.

డిజాస్టర్ అంటూ..

మాస్టర్ డిజాస్టర్ అంటూ కొందరు ట్రోల్ చేస్తున్నారు. అయితే ఇలా ట్రోల్ చేసే వారంతా.. అజిత్ ఫ్యాన్స్ అని అందుకే ఇలా ట్రోల్ చేస్తున్నారని విజయ్ ఫ్యాన్స్ కామెంట్స్ చేస్తున్నారు. అయితే మాస్టర్ మరీ డిజాస్టర్ కాకపోయినా యావరేజ్ అని అందరూ ముక్తకంఠంతో చెబుతున్నారు. మొత్తంగా మాస్టర్ మాత్రం అందరి అంచనాలను అందుకోలేకపోయిందనేది మాత్రం వాస్తవం.