Click it and Unblock the Notifications
ఉదయ్ కిరణ్ గురించి...మరో పాయింట్ వెలుగులోకి!
తాజాగా ఉదయ్ కిరణ్కు సంబంధించిన మరో పాయింట్ వెలుగులోకి వచ్చింది. ఉదయ్ కిరణ్కు బాలీవుడ్ సినిమాలో నటించే అవకాశం కూడా వచ్చిందని, ప్రముఖ బాలీవుడ్ నటుడు అజయ్ దేవగన్తో నటించే అవకాశం వచ్చిందని, దాదాపుగా ఈ సినిమాకు సైన్ చేసే వరకు ఉదయ్ కిరణ్ వెళ్లారని తెలుస్తోంది. ఈ ప్రాజెక్టు ఖరారయ్యేలోపే ఆయన ఆత్మహత్య చేసుకున్నట్లు తెలుస్తోంది. సో....దీన్ని బట్టి ఉదయ్ కిరణ్ ఆత్మహత్యకు అవకాశాల లేమి ప్రధాన కారణం కాదని స్పష్టమవుతోంది.
మరో వైపు ఫిల్మ్ నగర్లో కూడా....ఉదయ్ కిరణ్కు అవకాశాలు లేవనే వాదనను చాలా మంది కొట్టి పారేస్తున్నారు. ఆర్థిక ఇబ్బందులు కూడా కావని పలువురు అభిప్రాయం వ్యక్తం చేస్తున్నారు. ఉదయ్ కిరణ్ ఆత్మహత్యకు ఇంకేదో బలమైన కారణం ఉంటుందని, బహుషా అవి బయటి ప్రపంచానికి తెలియని పర్సనల్ ప్రాబ్లమ్స్ అయి ఉంటాయని భావిస్తున్నారు.
ఉదయ్ కిరణ్ మరణం వెనక కారణాన్ని తెలుసుకునేందుకు పోలీసులు వివిధ కోణాల్లో విచారణ జరుపుతున్నారు. అటు సినిమా సర్కిల్ లో ఆరా తీయడంతో పాటు, అతని కుటుంబ సభ్యులు, స్నేహితులు ఇలా అందరి నుండి సమాచారం రాబడుతున్నారు. త్వరలోనే ఉదయ్ కిరణ్ మృతి వెనకగల అసలు వాస్తవం వెలుగులోకి వచ్చే అవకావం ఉంది.
Continue with Google