ఎంఎం శ్రీలేఖ న్యూ ఇయర్ స్పెషల్ సాంగ్

ప్రముఖ గాయని , సంగీత దర్శకురాలు ఎం.ఎం.శ్రీలేఖ నూతన సంవత్సరాన్ని పురస్కరించుకుని ప్రత్యేక ఆల్బం రూపొందించారు. ''తొలి అడుగైన, తొలి వలపైనా... జీవితంలో తొలి సంగటనలు ఎంతో మధురం'' అంటూ సాగే ఈ పాట....కొత్త సంవత్సరంలో తొలి రోజును ఎన్నో ఆనందాలతో ప్రారంభించాని యువతను ఉత్సాహ పరుస్తోంది. రచయిత సిరాశ్రీ ఈ గీతాన్ని రచించగా...శ్రీలేఖ ఆలపించారు. హైదరాబాద్ లో పలు లోకేషన్లలో ఈ పాటని చిత్రీకరించారు. ఇప్పటి వరకూ తెరవెనుక గాయనిగా , సంగీత దర్శకురాలిగా ప్రీక్షకులకు, శ్రోతలకు పరిచయమైన శ్రీలేఖ....ఈ ఆల్బం ద్వారా ప్రేక్షకుల ముందుకు వస్తున్నారు.

ఈ ఆల్బం విడుదల సందర్భంగా ఆమె మాట్లాడుతూ...ఎప్పటినుండో ఓ ప్రైవేటు ఆల్బం రూపొందించాలనే ఆలోచన ఉందని, ఇప్పటికి తన ఆలోచన కార్యరూపం దాల్చింది చెప్పుకొచ్చారు. ఈ నూతన సంవత్సరం తనకు ప్రేక్షకులకు మంచి జరగాలని, అందరూ హ్యాపీ గా ఉండాలనే ఆకాంక్షతో దీన్ని రూపొందించినట్లు వెల్లడించారు.

ప్రస్తుతం ఎంఎం. శ్రీలేక శ్రీహరి ప్రధాన పాత్రలో రూపొందుతున్న 'సర్కారీ గుండా' చిత్రానికి సంగీతం అందిస్తున్నారు.