నడిరోడ్డుపై నిలబడి..: మెగా హీరోయిన్ నిహారిక ఏం చేసిందో తెలుసా?(వీడియో)

నిహారిక వీడియో..

చేతుల్లో బంధించిన సీతాకోకచిలుకను నడిరోడ్డుపై నిలబడి గాల్లోకి ఎగిరేస్తున్న ఓ వీడియోను నిహారిక తాజాగా ట్విట్టర్‌లో పోస్ట్ చేసింది. ఆ సీతాకోక చిలుక.. చేతుల్లో నుంచి అలా ఎగరగానే దాన్ని చూసి సంబరపడిపోయింది. ఇప్పుడీ వీడియో సోషల్ మీడియాలో వైరల్‌గా మారింది.

ఆటవిడుపు..:

ప్రస్తుతం నిహారిక తమిళంలో 'ఒరు నల్ల నాళ్‌ పాత్తు సొల్రేన్‌' అనే సినిమాలో నటిస్తోంది. షూటింగ్ గ్యాప్‌లో ఆటవిడుపు కోసం ఇలా సీతాకోకచిలుక వెంటపడ్డట్లుంది. వీడియోలో నిహారిక ఎక్స్‌ప్రెషన్స్ చూసి ఫ్యాన్స్ ఫిదా అయిపోతున్నారు.

వన్&ఓన్లీ మెగా హీరోయిన్:

'మెగా కాంపౌండ్' నుంచి హీరోల జాబితా పెద్దదిగానే ఉంది కానీ.. హీరోయిన్ మాత్రం వన్&ఓన్లీ 'నిహారిక'. మెగా కుటుంబం గారాల పట్టిగా ఇండస్ట్రీలో అడుగుపెట్టిన నిహారికకు తెలుగులో చేసిన తొలి సినిమా 'ఒక మనసు' నిరాశే మిగిల్చింది. ఇప్పుడు తమిళ సినిమాతో కోలీవుడ్‌లో తన అదృష్టాన్ని పరీక్షించుకోవడానికి సిద్దమైపోయింది.

ఒరు నల్ల నాళ్‌ పాత్తు సొల్రేన్‌..:

కోలీవుడ్ టాప్ స్టార్ విజయ్ సేతుపతి- గౌతమ్ కార్తీక్ హీరోలుగా 'ఒరు నల్ల నాళ్‌ పాత్తు సొల్రేన్‌' స్ట్రయిట్ తమిళ సినిమా తెరకెక్కుతోంది. నిహారిక కోలీవుడ్‌లో పరిచయం కాబోతుంది. ఈ టైటిల్‌కు 'ఒక మంచి రోజు చూసి చెబుతా' అని అర్థం. అయితే ఈ సినిమా తెలుగులో విడుదల కాకపోతుండటం మెగా అభిమానులను నిరాశపరుస్తోంది.

విభిన్న పాత్రలో..

'ఒరు నల్ల నాళ్‌ పాత్తు సొల్రేన్‌'లో తన పాత్ర విభిన్నంగా ఉంటుందని నిహారిక చెబుతోంది. దర్శకుడు ఆర్ముగకుమార్‌ సినిమాను అద్భతుంగా మలిచారని అంటోంది. కాగా, ఈ సినిమాను 7సీస్‌ ఎంటర్‌టెయిన్‌మెంట్‌ ప్రైవేట్‌ లిమిటెడ్‌ సంస్థ, అమ్మీ నారాయణ ఎంటర్‌టెయిన్‌మెంట్‌ సంస్థ సంయుక్తంగా నిర్మిస్తున్నారు. వేసవిలో సినిమా విడుదలకు ప్లాన్ చేస్తున్నారు.