అన్నిటికి సిద్ధపడే వచ్చా, నా కజిన్‌తో లింకేంటి చండాలంగా.... : మెగాడాటర్ నిహారిక

పెద్దనాన్న సినిమాకు ఎగ్జైట్ అయినంత అయ్యాను

తమిళంలో విడుదలైన నా సినిమాకు మంచి రెస్పాన్స్ వస్తోంది. అక్కడ ఫస్ట్ డే ఫస్ట్ షో చూశాను. హైదరాబాద్ లో పెదనాన్న సినిమా ఫస్ట్ డే క్రౌడ్ ఎంత ఎక్జైటింగ్‌గా ఉంటుందో అలాంటి ఎగ్జైట్మెంట్ అక్కడ చూశాను అని నిహారిక తెలిపారు తెలిపారు.

మీసం లేకున్న బాబాయ్ స్టైల్ ట్రై చేశాను

ఈ మూవీలో బాబాయ్ స్టైల్ కొంచెం ట్రై చేశాను. నిజానికి అది పవర్ స్టార్ స్టైల్ కాదు. కాటమరాయుడు సినిమాలో ఆయన మీసం తిప్పినట్లు ఏదో ట్రై చేశాను. నాకు మీసం లేకున్నా ఆయనలా ట్రై చేశాను.... అని నిహారిక తెలిపారు.

మా ఫ్యామిలీలో సెకండ్ మూవీ అలా కలిసొస్తోంది

మా ఫ్యామిలీలో కొందరికి సెకండ్ మూవీ సెంటిమెంట్ ఉన్న మాట నిజమే. అన్నయ్య వరుణ్ తేజ్ సెకండ్ మూవీ హిట్. అదే విధంగా రామ్ చరణ్ అన్నయ్య సెకండ్ మూవీ ‘మగధీర' కూడా చాలా పెద్ద హిట్. తెలుగులో నా సెకండ్ మూవీ విడుదల కాలేదు. కెరీర్లో చూసుకుంటే తమిళ మూవీ నా రెండోది. ఇది మంచి హిట్టయింది. అలా చూసుకుంటే నాకు కూడా వారి మాదిరిగానే సెకండ్ మూవీ కలిసొచ్చిందని చెప్పొచ్చు... అని నిహారిక వ్యాఖ్యానిచారు.

రూమర్స్ ఉంటాయని తెలిసే ఇండస్ట్రీకి వచ్చాను

మీ మీద ఈ మధ్య చాలా రూమర్స్ వచ్చాయి. మీ తొలి సినిమా కోస్టార్ నాగ శౌర్యతో మీకు లింక్ పెట్టి రూమర్స్ స్ప్రెడ్ చేశారు, వీటిని మీరు ఎలా తీసుకుంటారు? అనే ప్రశ్నకు నిహారిక స్పందిస్తూ... ‘ఇండస్ట్రీకి వస్తే ఇలాంటి రూమర్స్ వస్తాయని తెలుసు, అన్నిండి సిద్ధపడే వచ్చాను' అని నిహారిక తెలిపారు.

చండాలంగా మా కజిన్‌తో కూడా లింక్ పెట్టారు

నాగ శౌర్యతో మాత్రమే కాదు, చండాలంగా మా కజిన్ తో కూడా లింక్ పెట్టి రూమర్స్ స్ప్రెడ్ చేశారు. ఇది చాలా స్టుప్పిడ్... అంటూ తన మనసులోని ఆసహనాన్ని వెల్లగక్కారు నిహారిక.

ఆ రూమర్స్ వల్ల నాకు వచ్చిన నష్టం ఏమీ లేదు

మీడియాలో వారు సర్వైవ్ కావడానికి ఇలాంటివి రాస్తుంటారు. వాళ్లు అలా రాయడం వల్ల నా లైఫ్ లో ఎలాంటి మార్పు జరుగలేదు. నాకు వచ్చిన స్క్రిప్టులు పోలేదు, నాకు వచ్చిన నష్టం ఏమీ లేదు అని నిహారిక తెలిపారు.

వీటిని లైట్ తీసుకుంటాను

మీడియాకు చెప్పేది ఒకటే. ఎవరూ దేన్ని ఎక్కువ రోజులు పట్టించుకోరు. అందుకే నేను లైట్ తీసుకుంటాను. ఈ రోజు హాట్ న్యూస్ రేపు ఓల్డ్ న్యూస్ అవుతుంది. అందుకే వాటిపై నేను రియాక్ట్ అవ్వడం లేదు అని నిహారిక తెలిపారు.

రెండో సినిమా గురించి

‘హ్యాపీ వెడ్డింగ్' అనేది తెలుగులో నా రెండో మూవీ. లక్ష్మణ్ అనే కొత్త డైరెక్టర్ చేశాడు. సినిమా చాలా బాగా వచ్చింది. ఫిబ్రవరి ఎండింగులో లేదా మార్చి ఈ సినిమా విడుదలవుతుంది... అని నిహారిక తెలిపారు.

స్క్రిప్టు ఎంచుకునే ముందు

"కథలు ఎంచుకునే ముందు నాకు సినిమాలో క్యారెక్టర్ ఎంత ఇంపార్టెంట్ ఉంది అనేది చూస్తాను. ఎలాంటి క్యారెక్టర్... నెగెటివ్ షేడ్ ఉన్న క్యారెక్టరా? పాజిటివ్ షేడ్ ఉన్నదా? చిన్న పిల్ల క్యారెక్టరా? మెచ్యూర్డ్ క్యారెక్టరా? అనేది చూడను. సినిమాలో ఎంత ఇంపార్టెన్స్ ఉంది అనేదే చూస్తాను. కథ విన్న తర్వాత నాతో సినిమా ఎంత ట్రావెల్ అయిందనే విషయాన్నే చూస్తాను. నాకు నచ్చితే చేస్తాను." నిహారిక తెలిపారు.

నాకు కామెడీ అంటే చాలా ఇష్టం

ఉమెన్‍‌గా నా తొలి సినిమాలో నా క్యారెక్టర్ చాలా ఇష్టపడ్డాను. అది ఎక్స్‌పర్మెంట్ అని తెలిసి చేశాను. ఎక్స్‌పర్మెంట్స్ అన్ని సార్లు హిట్టవ్వవు. నేను జెన్యూన్‌గా కామెడీ ఇష్టపడతాను. కామెడీ చేయడం ఇష్టం. నాలో నేను కూడా ఓ చిన్న కమెడియన్‌ను చూసుకుంటాను. సినిమాకు కామెడీ అనేది చాలా ఇంపార్టెంట్.... అని నిహారిక తెలిపారు.

వారు పోవడం ఇండస్ట్రీకి పెద్దలాస్

ఈ మధ్య కాలంలో కమెడియన్ల కంటే హీరోలే ఎక్కువ కామెడీ చేస్తున్నారు. వారి క్యారెక్టరైజేషనే అలా రాస్తున్నారు. కమెడియన్లు అంటే నాకు బ్రహ్మానందం గారే గుర్తొస్తున్నారు. గత ఐదారు సంవత్సరాల్లో చాలా మంది గ్రేట్ కమెడియన్లు చనిపోయారు. ఇది ఇండస్ట్రీకి చాలా పెద్ద లాస్. ప్రత్యేకంగా కమెడియన్ ఇష్టం అని కాకుండా కంటెంటును ఇష్టపడతాను అని నిహారిక తెలిపారు.