Kartikeya 2: ఎంత కష్టపడ్డా నీ సినిమా రిలీజ్ అవ్వదురా.. అలా అనగానే ఏడ్చాను: నిఖిల్

గ్రాండ్ రిలీజ్

2014లో చందు మొండేటి దర్శకత్వంలో వచ్చిన కార్తికేయ సినిమా ఏ స్థాయిలో సక్సెస్ అయిందో ప్రత్యేకంగా చెప్పనవసరం లేదు. అయితే ఆ సినిమా తర్వాత నిఖిల్ వెంటనే సీక్వెల్ కూడా తెరపైకి తీసుకురావాలి అని దర్శకుడు చర్చలు జరిపాడు. ఇక చాలాకాలంగా చందు సీక్వెల్ కథను సిద్ధం చేసుకుంటూ వచ్చాడు. ఫైనల్ గా కార్తికేయ 2 సినిమా అన్ని పనులను కూడా పూర్తి చేసుకుని ఆగస్టు 12వ తేదీన నిఖిల్ కెరీర్ లోనే అత్యధిక థియేటర్స్ లో గ్రాండ్ గా విడుదలకు రెడీ అయింది.

ఆ రెండు సినిమాల కోసం వాయిదా

తెలుగులోనే కాకుండా తమిళ్ హిందీ మలయాళం కన్నడ భాషల్లో కూడా ఈ సినిమాను విడుదల చేస్తున్నారు. ఇక హిందీలో కూడా నిఖిల్ ఈ సినిమాకు డబ్బింగ్ చెబుతూ ఉండడం విశేషం. అసలైతే కార్తికేయడ 2 సినిమాను జూలై 22వ తేదీన విడుదల చేయాలని అనుకున్నారు. కానీ అప్పుడు థాంక్యూ సినిమా విడుదల సందర్భంగా వాయిదా వేసుకోవలసి వచ్చింది. అలాగే ఆగస్టు 5వ తేదీన కూడా విడుదల చేయాలని అనుకున్నారు కానీ అదే సమయంలో బింబిసార కూడా విడుదలవుతోంది. ఈ తరుణంలో కార్తికేయ 2 సినిమాకు స్పేస్ దొరకలేదు.

ఫస్ట్ టైమ్ ఏడ్చాను

ఒక విధంగా బ్యాక్ గ్రౌండ్ ఉన్న హీరోలు సినిమాలు విడుదలవుతూ ఉండడంతో కార్తికేయ సినిమాకు థియేటర్స్ దొరకలేదు అనే కామెంట్స్ కూడా చాలానే వచ్చాయి. అయితే ఈ విషయంలో నిఖిల్ సిద్ధార్థ చాలా సున్నితంగా స్పందించే ప్రయత్నం చేశాడు. ఒక విధంగా తన సినిమా రిలీజ్ అవ్వదు రా అని అనుకుంటున్న సమయంలో చాలా ఏడ్చాను అని లైఫ్ లో మొదటిసారి కార్తికేయ 2 సినిమా కోసం ఏడ్చినట్లుగా నిఖిల్ తెలియజేశాడు.

ఆ డేట్ కూడా వద్దని అన్నారు

ఒక విధంగా మా సినిమాను వెనక్కు తోసేయాలని చూసారు. జీవితంలో మొదటి సారి ఆ రోజు ఏడ్చాను. ఒక విధంగా ఆగస్టు 12వ తేదీన విడుదల చేయాలని అనుకున్నప్పుడు అనౌన్స్ చేసినప్పుడు అది కూడా వద్దని చెప్పారు. అక్టోబర్ లేదా నవంబర్ కి వెళ్లిపోండి ఇప్పుడప్పుడే ఈ సినిమా రిలీజ్ అవ్వదు మీకు షోలు దొరకవు మీకు థియేటర్లో ఇవ్వము అనే స్టేజ్ కొరకు వెళ్ళింది.. అప్పుడే ఏడ్చాను అని నిఖిల్ అన్నారు.

థియేటర్లు దొరకవు..

నేను ఎంత స్ట్రాంగ్ అయినప్పటికీ కూడా కార్తికేయ 2 విషయంలో అలా జరగగానే చాలా బాధ వేసింది. హ్యాపీ డేస్ సినిమా నుంచి చూస్తున్నాను ఎప్పుడూ కూడా థియేటర్లు దొరకవు అని ఆ చేదు అనుభవం నాకు ఎదురవలేదు. ఈ సినిమా కోసం ప్రమోషన్స్ కోసం ఎంత కష్టపడినా కూడా మీ సినిమా రిలీజ్ అవ్వదు రా అన్నప్పుడు చాలా బాధేసింది.. అని నిఖిల్ తెలియజేశారు.

నిర్మాతల సపోర్ట్

ఇబ్బందులు ఉన్నా కూడా మా నిర్మాతలు మాత్రం ఈ విషయంలో చాలా బాధ్యతగా వ్యవహరించి సపోర్టింగ్ గా నిలిచారు. సినిమాకు ఇప్పుడు ఎక్కడ కూడా ఇబ్బందులు లేకుండా విడుదల అవుతుంది.. అని ఈ విషయంలో దిల్ రాజు, ఏషియన్ సునీల్ వాళ్లు కూడా చాలా బాగా సపోర్ట్ చేస్తున్నట్లు నిఖిల్ తెలియజేశారు.