పోలీస్ చేతిలో 36 సార్లు దెబ్బలు తిన్న హీరో నిఖిల్...అప్పుడు సెట్టయ్యాడు!

స్క్రిప్టు చిన్నదే.. సినిమా పెద్దది

స్క్రిప్టు స్టేజిలో ఉన్నపుడు ఇది చాలా చిన్న సినిమా అనిపించింది. కానీ సెట్స్‌కు వెళ్లిన తర్వాత పెద్ద సినిమా అయింది. సినిమాను ప్రజల్లోకి తీసుకెళ్లేందుకు మా వంతు ప్రయత్నం చేస్తున్నాం, విభిన్నంగా ప్రమోషన్స్ నిర్వహిస్తున్నామని నిఖిల్ వెల్లడించారు.

పోలీస్ చేతిలో 36 సార్లు దెబ్బలు తిన్న నిఖిల్...అప్పుడు సెట్టయింది!

సినిమాలో పోలీస్ ఆఫీసర్ చేతిలో దెబ్బలు తినే సన్నివేశం ఒకటి ఉందని ఈ సందర్భంగా నిఖిల్ గుర్తు చేసుకున్నారు. ‘ఆఫీసర్ నన్ను చెంపదెబ్బ కొట్టే సన్నివేశాన్ని క్లోజప్ షాట్లో తీద్దామని డైరెక్టర్ భావించారు. ఆయన కొట్టగానే నేను ఫోర్సుగా కిందపడిపోవాలి. ఈ సీన్ చేయడానికి 36 టేక్స్ తీసుకున్నాను. అలా షూటింగులో భాగంగా పోలీస్ చేతిలో 36 సార్లు దెబ్బలు తిన్నట్లు నిఖిల్ తెలిపారు.

లక్కీగా ఆమె చేతిలో ఒక్కసారే

మరో సన్నివేశంలో లావణ్యతో చెంపదెబ్బ తినే సీన్. లక్కీగా ఇది ఒక్క టేక్‌లో పూర్తయింది అంటూ నిఖిల్ గుర్తు చేసుకున్నారు. ఈ చిత్రంలో నిఖిల్, లావణ్య మధ్య సన్నివేశాలు ఆసక్తికరంగా ఉండబోతున్నాయట.

షూటింగ్ ఒక నరకం

‘‘ప్రతి రోజూ షూటింగ్ షెడ్యూల్ 9 నుంచి 6 గంటల వరకు ఉండేది. కానీ సమయానికి ఎప్పుడూ పూర్తయ్యేది కాదు. రాత్రి 10 అయితేగానీ ముగిసేది కాదు.. కొన్ని సార్లు అర్దరాత్రి ఒంటిగంట వరకు షూట్ జరిగిన సందర్భాలు ఉన్నాయి. ఇద్దరం కూడా ఎలాంటి డూప్ లేకుండా యాక్షన్ ఎపిసోడ్స్ చేశాం.'' అని నిఖిల్ తెలిపారు.

అర్జున్ సురవరం

నిఖిల్ సిద్ధార్థ్, లావ‌ణ్య త్రిపాఠి, వెన్నెల కిషోర్, పోసాని కృష్ణ‌ముర‌ళి, ప్ర‌గ‌తి, స‌త్య‌, త‌రుణ్ అరోరా, రాజా ర‌వీంద్ర, నాగినీడు ముఖ్య పాత్రలు పోషిస్తున్న ఈ చిత్రానికి స్యామ్ సిఎస్ ఈ చిత్రానికి సంగీతం అందిస్తున్నారు. బి మ‌ధు సమర్పణలో ఔరా సినిమాస్ పివిటి, మూవీ డైన‌మిక్స్ ఎల్ఎల్పి బ్యాన‌ర్స్ పై కావ్య వేణుగోపాల్, రాజు కుమార్ నిర్మిస్తున్నారు.