Click it and Unblock the Notifications
కామిక్ థ్రిల్లర్ ...(స్వామి రారా ప్రివ్యూ)
సూర్య (నిఖిల్) ఓ జేబుదొంగ. బతుకుదెరువు కోసం దొంగతనాలు చేస్తుంటాడు. అతనికి స్వాతి (స్వాతి) అనే ఓ పాత్రికేయురాలితో పరిచయం అవుతుంది. మరోవైపు అనంతపద్మనాభస్వామి గుడిలో కనీవినీ ఎరుగని సంపద దొరుకుతుంది. అయితే అందులోంచి ఓ వినాయక విగ్రహం మాయం అవుతుంది. ఆ విగ్రహం కోసం కొంతమంది అన్వేషణ మొదలుపెడతారు. సూర్య, స్వాతిలు కూడా విఘ్నేశ్వరుడి కోసం వేట ప్రారంభిస్తారు. ఇంతకీ ఆ విగ్రహం ఏమైంది? ఎవరికి దొరికింది? అనేదే చిత్ర కథ.
దర్శకుడు మాట్లాడుతూ ''వినోదాత్మకంగా సాగే చిత్రమిది. నేర పరిశోధన నేపథ్యంగా సాగుతుంది. నిఖిల్, స్వాతిల జంట చూడముచ్చటగా ఉంటుంది. తెరపై కనిపించే ప్రతి పాత్రకూ ఓ ప్రాధాన్యం ఉంటుంది. రవిబాబు విలన్ గా కనిపిస్తారు. అసలే దొంగ. ఆపై ప్రేమలో పడ్డాడు. ప్రేయసి కూడా.. 'దొరికిందంతా దోచేయ్.' అని ప్రోత్సహించే రకం. ఆ ఉత్సాహంలో మరింత రెచ్చిపోయాడు. కంటికి కనిపించిందల్లా జేబులోకి తోసేశాడు. వీరిద్దరూ కలసి చేసిన హంగామా ఎలాంటిదో తెలియాలంటే మా సినిమా చూడండి అన్నారు. సరదాగా సాగే ప్రేమకథ ఇది. నిఖిల్ అల్లరి నటన.. తప్పకుండా ఆకట్టుకొంటుంది.''అన్నారు.
సంస్థ: లక్ష్మీనరసింహా ఎంటర్టైన్మెంట్స్
నటీనటులు: నిఖిల్, స్వాతి, రవిబాబు, జీవా, ప్రవీణ్, పూజ తదితరులు.
సంగీతం: సన్ని
కెమెరా: రిచర్జ్ ప్రసాద్
ఆర్ట్: నాగేంద్ర
ఎడిటింగ్: ఎస్ఆర్ శేఖర్
పాటలు: కృష్ణచైతన్య
నిర్మాత: చక్రి చిగురుపాటి
రచన, దర్శకత్వం: సుధీర్ వర్మ
విడుదల: 22, మార్చి 2013.
Continue with Google