Don't Miss!
- Sports Navjot Singh Sidhu: సచిన్ కాదు.. టీమిండియా అత్యుత్తమ బ్యాటర్ అతనే!
- Lifestyle శ్రీ కృష్ణుడు గోపికలతో మొదలై హోలీ పండగ గురించి ఆసక్తికరమైన విషయాలు.!
- Automobiles ఆటోమేటిక్ గేర్ vs మాన్యువల్ ట్రాన్స్మిషన్.. వీటిలో ఏది బెస్ట్.?.. మనోళ్లు ఎక్కువగా వీటినే కొంటున్నారు.!!
- News ప్రధాని మోదీ ఎదుటే కాలు మీద కాలు వేసుకుని కూర్చొన్న టీడీపీ ఎమ్మెల్యే.. తరువాత రియాక్షన్ ఏమిటంటే..?
- Technology సైబర్ సెక్యూరిటీ ఏజెన్సీ హై రిస్క్ అలెర్ట్.. ఈ ఫోన్లలో భద్రతా లోపాలు.. అప్డేట్ చేయకుంటే..??
- Travel దేశంలో ఒక్కోచోట ఒక్కోలా రంగుల హోలీ జరుపుతారని మీకు తెలుసా?!
- Finance Market Crash: సెన్సెక్స్-నిఫ్టీ నేల చూపులు.. నిండా ముంచిన ఐటీ స్టాక్స్..
'కాటమరాయుడు' ట్వీట్ : క్షమించమన్న నితిన్,స్పందించిన రామ్ చరణ్
మంచు ఫ్యామిలీకి నితిన్ క్షమాపణ చెప్పారని మీడియాలో వినిపిస్తోంది.
హైదరాబాద్ : పవర్ స్టార్ పవన్ కల్యాణ్ హీరోగా నటిస్తున్న తాజా చిత్రం కాటమ రాయుడు. ఈ సినిమా టీజర్ ఇప్పటికే విడుదలై సరికొత్త రికార్డులను సృష్టిస్తోంది. ఈ సినిమా టీజర్ చూసిన పవన్ ఫ్యాన్స్ సినిమా సూపర్ హిట్ అని ఫిక్సవుతున్న సంగతి తెలిసిందే. ఈ టీజర్ సృష్టిస్తున్న సునామీ అంతాఇంతా కాదు.
చిరంజీవి ఖైదీ నెం.150 సినిమా టీజర్ విడుదల చేసిన మూడు గంటల్లో వన్ మిలియన్ యూట్యూబ్ వ్యూస్ సాధించింది. కానీ పవన్ కాటమరాయుడు ఈ రికార్డ్ను యూట్యూబ్లో టీజర్ అప్లోడ్ చేసిన 2 గంటల్లోనే సాధించడం విశేషం. అయితే ఈ విషయంలో పవన్ వీరాభిమాని..ఓ వివాదం లో ఇరుక్కున్నారు.
వివరాల్లోకి వెళితే...పవన్ కల్యాణ్కు నితిన్ ఎంత వీరాభిమానో తెలిసిందే. టీజర్ విడుదలైన కొద్ది సేపటికే హీరో నితిన్ కూడా స్పందించాడు. ఇప్పటిదాకా ఎంత మంది రాయుడులు వచ్చినా.. కాటమరాయుడు ముందు దిగదుడుపేనంటూ సినిమా టీజర్ లింక్ను ట్వీట్ చేశాడు. అయితే.. దీనిపై మోహన్బాబు అభిమానులు బాగా హర్టయ్యారు.
నితిన్పై ఘాటు వ్యాఖ్యలు చేయడంతో.. ఆ పోస్ట్ను తీసేసి క్షమాపణలు చెప్పాడు నితిన్. తాను ఏ గొప్ప స్టార్ను ఉద్దేశించి ఆ ట్వీట్ చేయలేదని, తన ట్వీట్ వల్ల ఎవరైనా హర్ట్ అయి ఉంటే క్షమించాలని కోరాడు. నితిన్ క్షమాపణల ట్వీట్పై అటు మంచు లక్ష్మి కూడా స్పందించిందట. క్షమాపణలు అంగీకరిస్తున్నామని, ఇంకెప్పుడు అలా చేయొద్దని నితిన్కు ప్రతి ట్వీట్ చేసిందట.
మంచు లక్ష్మి కూడా తర్వాత ఆ ట్వీట్ను డిలీట్ చేసేసిందని సమాచారం. దీంతో మంచు లక్ష్మి స్వయంగా నితిన్కు ఫోన్ చేసి ట్వీట్పై అభ్యంతరం వ్యక్తం చేసి ఉండొచ్చని సినీ వర్గాల్లో చర్చించుకుంటున్నారు.
ఇదిలా ఉండగా ...ఈ టీజర్ను చూసిన మెగా హీరో రామ్ చరణ్ సోషల్ మీడియాలో స్పందించాడు. టీజర్ సూపర్ అంటూ పోస్ట్ చేశాడు. ఇది చూసిన మెగా అభిమానులంతా ఆనందపడ్డారు.