Maestro Full Movie: నితిన్‌కు బిగ్ షాక్.. రిలీజ్ అయిన గంటల్లోనే లీక్.. ఆ సైట్‌లో డౌన్‌లోడ్ లింక్

‘మాస్ట్రో'గా వచ్చిన యూత్ స్టార్

యూత్ స్టార్ నితిన్ నటించిన తాజా చిత్రం 'మాస్ట్రో'. మేర్లపాక గాంధీ తెరకెక్కించిన ఈ సినిమాలో నభా నటేష్ హీరోయిన్‌గా కాగా.. తమన్నా నెగెటివ్ రోల్ చేసింది. దీన్ని శ్రేష్ట్ మూవీస్ బ్యానర్‌పై నికితా రెడ్డి, సుధాకర్ రెడ్డి నిర్మించారు. ఈ చిత్రానికి మహతి స్వర సాగర్ సంగీతం అందించారు. ఇందులో శ్రీముఖి, రచ్చ రవి, మంగ్లీ, జిస్సుసేన్ గుప్తా, నరేష్ కీలక పాత్రలు చేశారు.

పెరిగిన అంచనాలు.. భారీ ధరకు

టీజర్, ట్రైలర్, పాటలు విడుదలైన తర్వాత 'మాస్ట్రో' మూవీపై భారీ స్థాయిలో ఆసక్తి పెరిగిపోయింది. క్రైమ్ థ్రిల్లర్ మూవీగా రూపొందిన ఈ మూవీ డిస్నీ ప్లస్ హాట్‌స్టార్‌లో స్ట్రీమింగ్ అవుతుంది. ఇందుకోసం సదరు సంస్థ ఏకంగా రూ. 32 కోట్లు వెచ్చించినట్లు కూడా ప్రచారం జరుగుతోంది. దీంతో విడుదలకు ముందే నితిన్‌కు టేబుల్ ప్రాఫిట్ సొంతం అయినట్లు ట్రేడ్ వర్గాలు తెలిపాయి.

పాజిటివ్ రెస్పాన్స్.. హిట్ టాక్‌తో

ఎన్నో అంచనాల నడుమ ప్రేక్షకుల ముందుకు వచ్చిన 'మాస్ట్రో' మూవీ ఇండియాలో డిస్నీ ప్లస్ హాట్‌స్టార్‌లో, ఓవర్సీస్‌లో బిగ్ స్క్రీన్‌లలో విడుదలైంది. ఈ సినిమాకు ప్రేక్షకుల నుంచి మంచి స్పందన వస్తోంది. అదే సమయంలో దీనికి పాజిటివ్ టాక్ కూడా వచ్చింది. దీంతో డిస్నీ సంస్థకు క్లిక్కుల మీద క్లిక్కులు వస్తున్నట్లు తెలుస్తోంది. దీనిపై ఫుల్ ఖుషీగా ఉన్నాడు నితిన్.

రెండు ఫ్లాపుల తర్వాత విజయం

ఈ సంవత్సరం నితిన్ చంద్రశేఖర్ ఏలేటి దర్శకత్వంలో 'చెక్' అనే సినిమాలో నటించాడు. అలాగే వెంకీ అట్లూరి దర్శకత్వంలో 'రంగ్ దే' అనే సినిమాలోనూ నటించాడు. ఎన్నో అంచనాల నడుమ ప్రేక్షకుల ముందుకు వచ్చిన ఈ మూవీలు రెండూ బాక్సాఫీస్ ముందు బోల్తా పడ్డాయి. ఇలా ఫ్లాపుల తర్వాత నితిన్‌ 'మాస్ట్రో'తో విజయాన్ని అందుకున్నాడని అంటున్నారు.

లీకైన నితిన్ ‘మాస్ట్రో' సినిమా

వరుస పరాజయాలతో ఇబ్బందులు పడుతోన్న నితిన్‌ నటించిన తాజా చిత్రం 'మాస్ట్రో'. డిస్నీ ప్లస్ హాట్‌స్టార్‌లో స్ట్రీమింగ్ అయిన ఈ సినిమాకు అదిరిపోయే రెస్పాన్స్ వస్తోంది. అదే సయమంలో థియేటర్లలో విడుదల చేయకపోవడంపై నితిన్ అభిమానులు తీవ్ర నిరాశగా ఉన్నారు. ఇలాంటి పరిస్థితుల్లో 'మాస్ట్రో' మూవీ కొన్ని వెబ్‌సైట్లలో లీకైపోవడం షాక్‌కు గురి చేస్తుంది.

విడుదలైన గంటల్లోనే బయటకు

నితిన్ నటించిన 'మాస్ట్రో' మూవీ శుక్రవారం తెల్లవారుజామున నుంచి స్ట్రీమింగ్ మొదలైంది. ఇలా వచ్చిన కొన్ని గంటల్లోనే ఈ మూవీ బయటకు వచ్చేసింది. హెచ్‌డీ క్వాలిటీతో మూవీ రూల్జ్, ఐబొమ్మ వంటి కొన్ని వెబ్‌సైట్లలో ఇది ప్రత్యక్షం అయిపోయింది. దీనిపై నితిన్ అభిమానులు అసంతృప్తిగా ఉన్నారు. అటువంటి లింక్స్ కనిపిస్తే రిపోర్ట్ చేయాల్సిందిగా కోరుతున్నారు.

Recommended Video

Nithiin Vinayaka Chavithi Special Interview | Maestro Movie

అవన్నీ లీక్ అవడంతో షాకులు

ఇప్పుడు నితిన్ 'మాస్ట్రో' మూవీ మాత్రమే కాదు.. ఇటీవలి కాలంలో విడుదలైన చిత్రాలు చాలా ఇలా రిలీజ్ రోజే లీకయ్యాయి. మరీ ముఖ్యంగా కొద్ది రోజుల క్రితం స్ట్రీమింగ్ అయిన నాని 'టక్ జగదీష్' మూవీ కూడా విడుదలైన కొన్ని గంటల్లోనే వెబ్‌సైట్లలో ప్రత్యక్షం అయింది. పెద్ద సినిమాలే కాదు.. చిన్న చిన్న చిత్రాలు కూడా ఇలా లీక్ అవడం టాలీవుడ్‌లో కలకలం రేపుతోంది.