‘గుర్తుందా శీతాకాలం’.... త్రివిక్రమ్ గారూ మీ క్రియేటివిటీ కేక!

పవన్ కళ్యాణ్-త్రివిక్రమ్ సంయుక్తంగా

పవన్- త్రివిక్రమ్ నిర్మాతలుగా నితిన్ హీరోగా తెరకెక్కుతున్న ఈ చిత్రానికి కృష్ణ చైతన్య దర్శకత్వం వహిస్తున్నారు. త్రివిక్రమ్ శ్రీనివాస్ మూల కథ అందించారు. ఈ మూవీకి వెరైటీ టైటిల్ ఫిక్స్ చేసినట్లు తెలుస్తోంది.

త్రివిక్రమ్ గారూ మీ క్రియేటివిటీ కేక

ఈ సినిమాకు 'గుర్తుందా శీతాకాలం' అనే టైటిల్ ఫిక్స్ చేశారని తెలిసింది. ఈ టైటిల్ త్రివిక్రమ్ సూచించారని సమాచారం. ఆయన తన గత సినిమాలకు కూడా ఆ..ఆ, అత్తారింటికి దారేది, సన్నాఫ్ సత్యమూర్తి లాంటి వెరైటీ టైటిల్స్ పెట్టిన సంగతి తెలిసిందే. త్రివిక్రమ్ సూచించిన ఈ టైటిల్ ఎంతో క్రియేటివ్‌గా ఉందని అభిమానులు అంటున్నారు.

పవన్-త్రివిక్రమ్ తొలిసారి

తొలిసారి పవన్ కళ్యాణ్ తాను కాకుండా తన బ్యానర్ పై మరో హీరో నితిన్ కొసం నిర్మాతగా మారటం విశేషం. ఇక త్రివిక్రమ్ శ్రీనివాస్ ఈ చిత్రానికి నిర్మాణ బాధ్యతలతో పాటు మూల కధను సమకూర్చటం మరో హైలెట్.

నటీనటులు

ఈ సినిమాలో నితిన్ తో పాటు మేఘా ఆకాశ్, రావు రమేష్, నరేష్, ప్రగతి, లిజీ, నర్రా శ్రీను, శ్రీనివాసరెడ్డి, మధు తదితరులు నటిస్తున్నారు. ఈ చిత్రానికి కృష్ణ చైతన్య దర్శకత్వం వహిస్తున్నారు. స్క్రీన్ ప్లే, డైలాగులు అందించే బాధ్యత కూడా అతడే నిర్వహిస్తుండటం విశేషం. పవన్ క్రియేటివ్ వర్క్స్, శ్రేష్ట్ మూవీస్ బేనర్లో ఈ చిత్రం రూపొందుతోంది.