హోమ్

న్యూస్

హైదరాబాద్: ఇష్క్, గుండె జారి గల్లంతయ్యిందే చిత్రాలతో వరుస హిట్లు అందుకున్న నితిన్ ఆ తర్వాత ‘హార్ట్ ఎటాక్' చిత్రంతో యూత్ ను మెప్పించాడు. దీని తర్వాత ‘తొలి ప్రేమ' ఫేం కరుణాకరన్ దర్శకత్వంలో ‘చినదానా నీకోసం' చిత్రం చేస్తున్న సంగతి తెలిసిందే. ఈ చిత్రాన్ని డిసెంబర్ నెలలో (12 లేదా 19) విడుదల చేసేందుకు ప్లాన్ చేస్తున్నారు.

అభిమానులకు దీపావళి శుభాకాంక్షలు తెలిపిన నితిన్...ఈ చిత్రంపై భారీ అంచనాలు పెట్టుకున్నాడు. ఈ సినిమా నితిన్ కు ఎంతో స్పెషల్. ఎప్పటినుంచో నితిన్ కరుణాకరన్ దర్శకత్వంలో నటించాలని అనుకుంటున్నాడు. కరుణాకరన్ దర్శకత్వంలో నటించే అవకాశాన్ని సొంతం చేసుకున్నాడు. చాలా కాలంగా సరైన హిట్ లేని కరుణాకరన్‌కు ఈ చిత్రంతో ఎంతో కీలకం.

"అమృతం" ఫేం హర్షవర్థన్ ఈ చిత్రానికి మాటలు అందిస్తున్నాడు. ఇష్క్, గుండె జారి గల్లంతయ్యిందే చిత్రాలలకు సంగీతం అందించిన అనూప్ సంగీతాన్ని అందిస్తున్న ఈ చిత్రాన్ని నితిన్ సోదరి నికితా రెడ్డి నిర్మిస్తున్నారు. నితిన్ సరసన మిష్టి చక్రవర్తి నటిస్తోంది. సాఫ్ట్ లవ్ స్టోరీస్ తో ప్రేక్షకులను మెప్పించే కరుణాకరన్, నితిన్ కాంబినేషన్ లో వస్తున్న ఈ చిత్రం అంచనాలు భారీగానే ఉన్నాయి.