Click it and Unblock the Notifications
నితిన్ కొత్త చిత్రం 'దిల్ వాలా'
ఇష్క్ చిత్రం హిట్ తో మంచి జోరు మీదున్న నితిన్ తాజాగా మరో చిత్రానికి గ్రీన్ సిగ్నల్ ఇచ్చారు. నిఖిల్ లో వీడు తేడా చిత్రం చేసిన దర్సకుడు చిన్ని కృష్ణ ఈ సినిమాని డైరక్ట్ చేయనున్నాడు. నితిన్ కెరీర్ లో మూడో హిందీ టైటిల్ ఇది. మొదట వినాయిక్ డైరక్షన్ లో దిల్,రెండోది ఇష్క్,ఇప్పుడు దిల్ వాలా. ఇక దిల్ వాలా చిత్రాన్ని బెల్లంకొండ సురేష్ నిర్మిస్తున్నారు. జూలై చివరి వారంలో ఈ సినిమా ప్రారంభం కానుంది.
ఇక ఇప్పటికే నితిన్ హీరోగా ఫోటాన్ కథాస్ ప్రొడక్షన్స్ పతాకంపై 'కొరియర్బోయ్ కళ్యాణ్' అనే చిత్రం ప్రారంభమైంది. ప్రేమ్సాయి దర్శకత్వంలో గౌతమ్ వాసుదేవమీనన్ ఈ చిత్రాన్ని నిర్మిస్తున్నారు. ద్విభాషా చిత్రంగా తెలుగు, తమిళ భాషల్లో నిర్మిస్తున్న ఈ సినిమా పూజా కార్యక్రమాలు జరిగాయి. తమిళంలో 'తమిళ సెల్వనుం తనియార అంజలుం' పేరుతో రూపొందిస్తున్నారు. ముఖ్య పాత్రలో జై, సంతానం, వి.టి.వి గణేష్ నటిస్తుండగా మిగతా పాత్రల ఎంపిక జరగనుంది.
గౌతమ్ వాసుదేవ మీనన్ మాట్లాడుతూ -''భాషలకు అతీతంగా అందరి అభినందనలు అందుకునే సినిమా ఇది. ప్రేమ, హాస్యం, యాక్షన్ అన్నీ ఈ కథలో ఉంటాయి. గాయకుడు కార్తీక్ని సంగీత దర్శకుడిగా పరిచయం చేస్తున్నాం. జై సంతానం, నిటివి గణేశ్ కీలక పాత్రలు పోషిస్తారు. త్వరలోనే ఈ సినిమా రెగ్యులర్ షూటింగ్ మొదలవుతుంది'' అని తెలిపారు. త్వరలో రెగ్యులర్ షూటింగ్కి త్వరలోనే వెళ్లనున్న ఈ చిత్రానికి సంగీతం: కార్తీక్, నిర్మాత: గౌతమ్వాసుదేవ మీనన్, స్క్రీన్ప్లే, దర్శకత్వం: ప్రేమ్సాయి.
Continue with Google