సెక్సువల్ హరాస్మెంట్: ‘మెంటల్ మదిలో’ హీరోయిన్ కూడా బాధితురాలే...

ఐదేళ్ల వయసులోనే

ప్రతి ఒక్కరూ జీవితంలో ఏదో ఒక సమయంలో లైంగిక వేధింపులు ఎదుర్కొంటూనే ఉన్నారు. నేను కూడా ఐదేళ్ల వయసులో ఇలాంటి వేధింపులు ఎదుర్కొన్నాను.... అంటూ నివేదా పేతురాజ్ తెలిపారు.

ఇలాంటి నీచానికి పాల్పడేది వారే...

చిన్నతనంలో జరిగే ఇలాంటి సంఘటనల గురించి తల్లిదండ్రులకు ఎలా చెప్పాలో కూడా తెలియదు, అసలు ఏం జరుగుతోంది అని అర్థం చేసుకోలేని వయసు. ఇలాంటి నీచానికి పాల్పడే వారిలో చాలా మంది మనకు తెలిసిన వారే ఉంటారు.... అని నివేదా పేర్కొన్నారు.

తల్లిదండ్రులే చొరవ తీసుకోవాలి

తల్లిదండ్రులకు నేను ఒకే విషయం చెబుతున్నాను. ఇలాంటి విషయాలు వారితో మాట్లాడటం ఇబ్బందికరమే అయినా... వారి మంచి కోసం మాట్లాడక తప్పదు. రెండేళ్ల వయసు నుండే జాగ్రత్తలు నేర్పించడం మంచిది. పిల్లలు ఏ వయసులో ఇలాంటివి ఎదుర్కొంటారో తెలియదు కాబట్టి మనం ముందు జాగ్రత్తగా ఉండటం మంచిది. స్కూలు, ట్యూషన్, ఇంటి బయట ఎక్కడైనా ఇలాంటివి జరుగవచ్చు అని నివేదా చెప్పుకొచ్చారు.

కూడా అందరినీ చైతన్య పరచండి

ప్రతిసారీ పోలీసులను ఆశ్రయించడం కుదరక పోవచ్చు. ఈ విషయంలో మగవారి సహకారం కూడా ఉంటే పిల్లల్ని, ఆడవాళ్లని వేధింపుల నుంచి కాపాడుకోగలుగుతాం. ఈ విషయంలో అందరినీ చైతన్యం చేయడం మంచిది అని నివేదా తన వీడియోలో పేర్కొన్నారు.