‘బాహుబలి-2’ బెనిఫిట్ షోలపై తెలంగాణ సర్కార్ సీరియస్

కఠిన చర్యలు తప్పదు

బాహుబలి-2 మేనియాను క్యాష్ చేసుకోవడానికి థియేటర్ల యాజమాన్యాలు నిబంధనలకు విరుద్ధంగా వ్యవమరించడంపై మంత్రి తలసాని శ్రీనివాస్ యాదవ్ మాట్లాడుతూ... బెనిఫిట్ షోలకు పర్మిషన్ అసలు ఇవ్వ లేదని, ఏప్రిల్ 28 నుండి ఐదు షోలకు మాత్రమే పర్మిషన్ ఇచ్చామని, ఇష్టానుసారంగా వ్యవహరించే వారిపై కఠిన చర్యలు తీసుకుంటామని తెలిపారు.

తలసాని వార్నింగ్

బెనిఫిట్ షోల పేరుతో ఎవరు ఎవరికి బెనిఫిట్ చేస్తున్నారో అర్థం కావడం లేదని, ఆ విషయంలో చాలా సీరియస్ గా ఉంటాం.... ఆ తర్వాత జరిగే పరిణామాలు, ప్రభుత్వం తీసుకునే చర్యలకు థియేటర్ యాజమాన్యాలే బాధ్యత వహించాల్సి వస్తుందన్నారు మంత్రి తలసాని

ఐదు షోలు అనుమతి

తెలంగాణ ప్రభుత్వం బాహుబలి-2 లాంటి గొప్ప సినిమాను ప్రమోట్ చేస్తుందని, అందుకే ఐదు షోలకు అనుమతి ఇచ్చిందని.....గవర్నమెంట్ ఏ రేట్లు అయితే ఫిక్స్ చేసిందో అదే రేట్లకు టికెట్స్ అమ్మాలని, డిమాండ్ ఎక్కువగా ఉందని ఎక్కువ రేట్లకు టికెట్లు అమ్ముతూ ప్రేక్షకులను ఇబ్బంది పెడితే కఠిన చర్యలు తీసుకుంటామన్నారు.

అయోమయంలో

ఈ పరిణామాల నేపథ్యంలో ఈ రోజు బెనిఫిట్ షోల టికెట్స్ కొనుగోలు చేసిన వారు అయోమయంలో పడ్డారు. షో మొదలయ్యే వరకు అసలు సినిమా ప్రదర్శన ఉంటుందో? లేదో? తెలియని పరిస్థితి.