Don't Miss!
- Sports RR vs DC: కన్నీటి పర్యంతమైన రియాన్ పరాగ్!
- News గ్యాంగ్స్టర్, రాజకీయ నేత ముఖ్తార్ అన్సారీ గుండెపోటుతో మృతి
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
వాటిని వాడను, కూతురుపై ఐశ్వర్యరాయ్ జాగ్రత్తలు
ముంబై: ప్రముఖ హీరోయిన్ ఐశ్వర్యరాయ్ సౌందర్య సాధనాలు తయారు చేసే పలు కార్పొరెట్ సంస్థలకు బ్రాండ్ అంబాసిడర్గా వ్యవహరిస్తున్న సంగతి తెలిసిందే. ఇటీవల ఓ ఇంటర్య్యూలో ఐశ్వర్యరాయ్ మాట్లాడుతూ....తన కూతురు ఆరాధ్య మేకప్ నిమిత్తం సదరు కాస్మొటిక్ ఉత్పతులను వాడను అంటోంది.
మీరు ప్రపంచ ప్రఖ్యాత కాస్మొటిక్ బ్రాండ్లకు అంబాసిడర్గా వ్యవహరిస్తున్నారుగా....మీ కూతురు మేకప్ విషయంలో ఎలాంటి జాగ్రత్తలు తీసుకుంటున్నారు? అనే ప్రశ్నకు ఐశ్వర్యరాయ్ స్పందిస్తూ....'నేను ప్రపంచ ప్రఖ్యాత కాస్మొటిక్ బ్రాండ్లకు అంబాసిడర్గా వ్యవహరిస్తున్నందుకు ఎంతో గర్వంగా ఉంది. కానీ నా కూతురు చాలా చిన్న పిల్ల. రెండేళ్ల వయసులోనే కాస్పొటిక్ ఉత్పత్తులు వాడాల్సిన అవసరం లేదు' అని ఐశ్వర్యరాయ్ సమాధానం ఇచ్చింది.
ప్రపంచ ప్రఖ్యాత కాస్మొటిక్ సంస్థ ఎల్ ఓరియల్ సంస్థకు ఐశ్వర్యరాయ్ గత దశాబ్దకాలంగా బ్రాండ్ అంబాసిడర్గా కొనసాగుతున్న సంగతి తెలిసిందే. గతంలో ప్రపంచ సుందరి కిరీటం దక్కించుకున్న ఐశ్వర్యరాయ్ ప్రచారం చేయడం వల్ల ఆ సంస్థ ఉత్పత్తుల అమ్మకాలు ఇండియాతో పాటు ఇతర దేశాల్లోనూ బాగా పెరిగాయి.
ఆ విషయాలు పక్కన పెడితే...బిడ్డ పుట్టినప్పటి నుండి సినిమాలకు దూరంగా ఉంటున్న ఐశ్వర్యరాయ్ త్వరలో మళ్లీ రీ ఎంట్రీ ఇవ్వనుందనే వార్తలు జోరుగా ప్రచారం సాగుతున్నాయి. గత సంవత్సరమంతా ఇలాంటి వార్తలతోనే గడిచిపోయిందే తప్ప ఐశ్వర్య మాత్రం ఇంకా రీ ఎంట్రీ ఇవ్వలేదు. మరీ ఈ సంవత్సరమైనా ఐశ్వర్యరాయ్ అందాలను మళ్లీ తెరపై చూసే భాగ్యం దక్కుతుందో? లేదో?