ప్రభాస్‌తోపాటు రష్మి ఫోటో.. అడక్కుండానే వేయడంపై భగ్గుమన్న యాంకర్!

నా అనుమతి తీకోలేదంటున్న రష్మి

తన అనుమతి లేకుండా, కనీసం తనను సంప్రదించకుండా తాను ‘నాటా' ఆధ్వర్యంలో జరిగే ఈవెంటుకు తాను హాజరవుతున్నట్లు ప్రచారం చేయడంపై యాంకర్ రష్మి మండి పడ్డారు. ట్విట్టర్ ద్వారా తన ఆగ్రహాన్ని వ్యక్తం చేశారు.

తప్పుతోవ పట్టించవద్దు

తాము రాక పోయినా వస్తున్నట్లు ప్రచారం చేసి ఈవెంటుకు హాజరయ్యే వారిని తప్పతోవ పట్టించవద్దు. ఈ మధ్య కాలంలో కొన్ని ఈవెంట్ ఆర్గనైజేషన్లు తరచూ చర్యలకు పాల్పడుతున్నారు. ఇది మంచి పద్దతి కాదు అని రష్మి గౌతమ్ తెలిపారు.

నాటా కమిటీకి ఫిర్యాదు చేసిన రష్మి

ఈవెంట్ ఆర్గనైజర్లు చేస్తున్న ఈ తప్పుడు ప్రచారంపై ‘నాటా' పెద్దలకు తెలిసేలా ఆమె ట్వీట్ చేశారు. తమ ఫోటోలు వాడే ముందు అఫీషియల్ కన్ఫర్మేషన్ లెటర్స్ తీసుకోవాలని రష్మి ఈ సందర్భంగా సూచించారు.

ప్రభాస్ కూడా వస్తున్నట్లు ప్రచారం

‘నాటా' తెలుగు ఈవెంట్ ఆర్గనైజర్లు ప్రభాస్ కూడా వస్తున్నట్లు కూడా ప్రకటించారు. అయితే తాజాగా రష్మి చేసిన ట్వీట్ తో ఈవెంట్ ఆర్గనైజర్ల నిజాయితీ మీద అనేక అనుమానాలు మొదలయ్యాయి. కనీసం ప్రభాస్ నుండైనా అనుమతి తీసుకున్నారా? అనే సందేహాలు వ్యక్తం చేస్తున్నారు.