Don't Miss!
- Sports Tilak Varma:అతని కోసమే ఆ సంబరాలు! వీడియో
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- News ఎన్నికల వేళ కోర్టుల్ని ప్రభావితం చేసే కుట్ర ! సీజేఐకి 600 మంది లాయర్ల లేఖ-మోడీ కౌంటర్
- Technology 6.67 అంగుళాల డిస్ప్లే, ట్రిపుల్ కెమెరాతో వివో కొత్త ఫోన్... లాంచ్, స్పెసిఫికేషన్ల వివరాలు..!
- Lifestyle First Surya Grahan: ఏప్రిల్ నెలలో మొదటి సూర్య గ్రహణం ఎప్పుడు? సూతక కాలం
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
శ్రీదేవి, శ్రియ.. ఎవరినీ కలవలేదు: మోహన్ బాబు
మోహన్ బాబు ప్రధాన పాత్రలో రూపొందుతున్న 'రావణ' చిత్రంపై ఇటీవల రకరకాల వార్తలు వినిపిస్తున్న సంగతి తెలిసిందే. ఈ చిత్రం కోసం మోహన్ బాబు సరసన నటింపజేసేందుకు ఆయన తనయుడు విష్ణు శ్రీదేవిని సంప్రదించాడని, అయితే ఆమె కోటిన్నర రెమ్యూనరేషన్ అడగటంతో విష్ణు ఆ ప్రయత్నం విరమించుకున్నారని గాసిప్స్ వెలువడ్డాయి.
నిన్నటికి నిన్న....హీరోయిన్ శ్రియ ఈ చిత్రంలో అప్పర పాత్రలో నటించబోతోందని, ఇందులో ఆమె పాత్ర నెగెటివ్గా ఉంటుందని ప్రచారం జరుగుతోందని పాఠకులకు ఇప్పటికే తెలియజేశాం. అయితే ఈ వార్తలను మోహన్ బాబు తాజాగా ఖండించారు.
రావణ చిత్రం కోసం తాము ఇప్పటి వరకు ఎవరినీ సంప్రదించ లేదని....శ్రీదేవిని, శ్రియను సంప్రదించినట్లు వచ్చిన వార్తల్లో ఎలాంటి వాస్తవం లేదన్నారు. ఈ చిత్రాన్ని విష్ణు ప్రొడ్యూష్ చేస్తున్నాడు. త్వరలోనే ఈచిత్రం నటీనటులు, సాంకేతిక వర్గం వివరాలు తెలియజేస్తాం అన్నారు.
ఈ సినిమాలో విజువల్ ఎఫ్ఫెక్ట్స్ కి పెద్ద పీట వేయనున్నట్టు మోహన్ బాబు చెప్పారు. గతంలోఎన్టీఆర్, ఎస్వీఆర్ వంటి మహానుభావులు రావణాసురుడి పాత్రను పోషించి మెప్పించారనీ ... తనదైన శైలిలో ఈ పాత్రను రక్తి కట్టించడానికి ప్రయత్నిస్తానని అన్నారు. అధునాతనమైన 3 డి పరిజ్ఞానంతో తెరకెక్కనున్న ఈ సినిమాలో, భారతీయ సినీపరిశ్రమలోని ప్రముఖ నటీనటులంతా నటిస్తారని చెప్పారు. గతంలో రాఘవేంద్ర రావు - మోహన్ బాబు కాంబినేషన్ లో ఎన్నో సూపర్ హిట్స్ వచ్చాయి. ఈ సినిమా కూడా ఆ స్థాయి విజయాన్ని అందుకుంటుందనీ ... 'రావణ'గా మోహన్ బాబు తన విశ్వ రూపాన్ని చూపించడం ఖాయమని టాలీవుడ్ సినీజనాలు అనుకుంటున్నారు.