అతిలోక సుందరిని డైరక్ట్ చేసే వాళ్ళే లేరా?

By Staff

Published: Wednesday, March 11, 2026, 4:42 [IST]

భారతీయ భాషల్లో ఒక వెలుగు వెల్గిన శ్రీదేవి చిర కాల విరామం అనంతరం సెకెండ్ ఇన్నింగ్స్ ప్రారంభించటానికి సన్నాహాలు చేస్తోంది. 1987 లో వచ్చిన మిస్టర్ ఇండియా సీక్వెల్ తో ఆమె గ్రాండ్ గా లాంచింగ్ అవనుంది. అయితే ఆమె లాంచింగ్ కి సరిపడ దర్శకలే కరవయ్యారని తెలుస్తోంది. ఆమె భర్త బోనీకపూర్ మిస్టర్ ఇండియా దర్శకుడు శేఖర్ కపూర్ ని కలుసుకుని ఈ సినిమానీ డైరక్ట్ చేయమని అడిగారుట. అయితే శేఖర్ అంతర్జాతీయ ప్రాజెక్టులలో బిజీగా ఉండటంతో ఈ సినిమా చెయ్యలేనని సున్నితంగా తిరస్కరించాడుట. అయితే తాను క్రియేటివ్ ఏస్పెక్ట్ లో ఇనవాల్వ్ అవుతానని మాటిచ్చాడుట.

ఇక ఈ సినిమాలో అప్పట్లో అనిల్ కపూర్ చేసిన పాత్రను ఆయనే రిపీట్ చేయనున్నారు. అయితే అమ్రీష్ పూరి వేసిన ముగాంబో పాత్ర కోసం ఎవరని తీసుకుంటారన్నది ఇంకా నిర్ణయం కాలేదు. అలాగే గ్రాఫిక్స్ కి ఈ సినిమాలో అత్యంత ప్రాధాన్యత బాగా ఇవ్వనున్నారు. ఈ తరం పిల్లలకు నచ్చేలా ఈ సినిమాను కాన్సెప్ట్ ను చెడకొట్టకుండా ఎవరు డైరక్ట్ చేయగలరు అన్నది పెద్ద ప్రశ్నగా మిగిలింది. యువతరం దర్శకులకు ఈ అవకాశం ఇద్దామని ఆలోచనలో ఉన్నారుట. స్క్రిప్టు వర్క్ పూర్తయిన ఈ సినిమా ఈ సంవత్సరాంతానికి షూటింగ్ పూర్తి చేయాలని ప్లాన్ చేస్తున్నారు.

More from Filmibeat