హీరోయిన్ ప్రియమణి రిజిస్టర్ మ్యారేజ్: పెళ్లైన రెండ్రోజులకే...

మతాలు వేర్వేరు కాబట్టే ఇలా

ఎలాంటి హడావుడి లేకుండా, తమ మతం సాంప్రదాయాల ప్రకారం కాకుండా రిజిస్టర్ మ్యారేజ్ చేసుకోవడానికి కారణాన్ని ప్రియమణి వెల్లడించారు. ఇద్దరి మతాలు వేర్వేరు కావడం వల్లనే రిజిస్టర్ మ్యారేజ్ చేసుకోవాలని నిర్ణయించుకున్నట్లు స్పష్టం చేశారు.

Recommended Video

Mana Oori Ramayanam Movie Audio Launch | Prakash Raj | Priyamani |

గ్రాండ్‌గా రిసెప్షన్

పెళ్లి వేడుక ఎలాంటి హడావుడి లేకుండా సాగినా... రిసెప్షన్ గ్రాండ్ గా ఉంటుందని, దీనికి సినీ రంగానికి చెందిన ప్రముఖులను ఆహ్వానించబోతున్నట్లు ప్రియమణి వెల్లడించారు. 23వ తేదీనే వెడ్డింగ్ రిసెప్షన్ జరుగబోతోంది.

పెళ్లి తర్వాత కూడా

పెళ్లి తర్వాత కూడా సినిమాల్లో కంటిన్యూ అవుతానని ప్రియమణి వెల్లడించారు. నటిగా తాను కొనసాగడంలో ముస్తాఫా రాజ్ కు ఎలాంటి అభ్యంతరం లేదని ప్రియమణి వెల్లడించారు.

పెళ్లైన రెండ్రోజులకే...

పెళ్లైన రెండ్రోజులకే ప్రియమణి మళ్లీ షూటింగులతో బిజీ అయిపోనుంది. ‘పెళ్లైన రెండురోజుల తర్వాత షూటింగుకు వెళ్లాలని నిర్ణయించుకున్నాను, రెండు సినిమాల్లో నటిస్తున్నాను. పెళ్లి కారణంగా షూటింగుకు ఇబ్బంది పెట్టదలుచుకోలేదు' అని ప్రియమణి తెలిపారు.

ప్రేమ వివాహం

గత ఐదేళ్లుగా ప్రియమణి-ముస్తఫా రాజ్ ప్రేమించుకుంటున్నారు. ముస్తఫా రాజ్ ఈవెంట్ మేనేజ్మెంట్ బిజినెస్ రన్ చేస్తున్నారు. ఓసారి ఐపీఎల్ మ్యాచ్‌లో ముస్తఫా పరిచయం అయ్యాడు. ఆ పరిచయం కాస్తా ప్రేమగా మారింది.

ప్రియమణి

ముస్తఫా యాటిట్యూడ్, అతడి నిజాయితీ, సెన్సాఫ్ హ్యూమర్ నాకు బాగా నచ్చింది అందుకే అతని ప్రేమలో పడిపోయాను అని ప్రియమణి గతంలో ఓ ఇంటర్వ్యూలో తెలిపింది.

గతేడాది ఎంగేజ్మెంట్

2016 మే 27వ తేదీన ప్రియమణి-ముస్తఫా రాజ్ ఎంగేజ్మెంట్ జరిగింది. ఎంగేజ్మెంట్ తర్వాత పెళ్లి కోసం సంవత్సరకంటే ఎక్కువ గ్యాప్ తీసుకున్నారు. ఈ ఐదేళ్ల పరిచయంలో ఎలాంటి విబేధాలు, మనస్పర్థలు లేకుండా వీరి రిలేషన్ కొనసాగుతుండటం విశేషం.

సహజీవనం

ఎంగేజ్మెంట్ తర్వాత నుండి ప్రియమణి-ముస్తఫా రాజ్ కలిసే ఉంటున్నారని, అఫీషియల్‌గా పెళ్లి జరుగడం తప్ప సంవత్సర కాలంగా దాదాపుగా భార్య భర్తల్లానే జీవిస్తున్నారని టాక్.