ఎన్టీఆర్‌కి నివాళులు : జూ ఎన్టీఆర్‌,కళ్యాణ్ రామ్, హరికృష్ణ(ఫోటోలు)

ఎన్టీఆర్‌ ఘాట్‌ వద్ద ఆయన కుటుంబసభ్యులు, పలువురు ప్రముఖులు నివాళి అర్పించారు.

ఈ ఉదయం జూ.ఎన్టీఆర్‌ దంపతులు ఎన్టీఆర్‌ ఘాట్‌ వద్ద నివాళులు అర్పించారు.

చంద్రబాబు 63 ఏళ్ల వయస్సులో వస్తున్నా మీ కోసం పాదయాత్ర పేరిట సాహసం చేస్తున్నారని హీరో కల్యాణ్ రామ్ అన్నారు. ఎన్టీఆర్ పథకాలు చరిత్రలో చిరస్థాయిగా నిలిచిపోతాయన్నారు. తెలుగుదేశం తిరిగి అధికారంలోకి వస్తుందని కల్యాణ్ రామ్ ఆకాంక్షించారు.

అవినీతి పైన మొదట పోరాడింది స్వర్గీయ నందమూరి తారక రామారావే అన్నారు. ప్రస్తుతం అవినీతి బాగా పెరిగిందని హరికృష్ణ అన్నారు. అవినీతిపై అందరూ పోరాడాలన్నారు. పేదలు బాగుపడాలంటే ఎన్టీఆర్ మళ్లీ పుట్టాలని హరికృష్ణ అభిప్రాయపడ్డారు.

బేగంపేట రసూల్‌పూరలో బాలకృష్ణ, తెదేపా అధినేత చంద్రబాబునాయుడు తనయుడు లోకేశ్‌ ఎన్టీఆర్‌ విగ్రహానికి పూలమాల వేసి నివాళులు అర్పించారు.

కేంద్ర మంత్రి పురందేశ్వరి తన భర్త తో తండ్రికి నివాళులు అర్పించారు.

నందమూరి లక్ష్మి పార్వతి ...ఎన్టీఆర్ ఘాట్ వద్ద నివాళులు అర్పించారు

ఎన్టీఆర్ మాట్లాడుతూ వచ్చే ఎన్నికల్లో పార్టీ ఘన విజయం సాధిస్తుందని చెప్పారు. ఎన్నికల ప్రచారంలో తప్పకుండా పాల్గొంటానని తెలిపారు.

తెదేపా అధినేత చంద్రబాబునాయుడు చేపట్టిన 'వస్తున్నా.. మీకోసం' పాదయాత్ర ద్వారా పార్టీకి బలం పెరుగుతుందని సినీ నటుడు జూ. ఎన్టీఆర్‌ అన్నారు.

ప్రజల నుంచి అపూర్వ స్పందన వస్తున్న పాదయాత్రను పొడిగించాలన్న ఆలోచన మంచిదేనని అన్నారు.