ఎన్టీఆర్ న్యూ మూవీ ప్రారంభోత్సవానికి చీఫ్ గెస్టుగా పవన్ కళ్యాణ్

ఎన్టీఆర్-పవన్ మధ్య స్నేహం

ఎన్టీఆర్, పవన్ కళ్యాణ్ మధ్య మంచి స్నేహ బంధం ఉంది. దీంతో పాటు ప్రస్తుతం పవన్ కళ్యాణ్-త్రివిక్రమ్ కాంబినేషన్లో తెరకెక్కుతున్న చిత్రాన్ని కూడా హారిక & హాసిని క్రియేషన్స్ వారు నిర్మిస్తున్నారు. ఈ నేపథ్యంలో ఈ సంస్థపై తెరకెక్కబోతున్న ఎన్టీఆర్ చిత్ర ప్రారంభోత్సవానికి పవన్ కళ్యాణ్ ముఖ్య అతిథిగా హాజరు కాబోతున్నారు.

ఎన్టీఆర్-త్రివిక్రమ్ తొలి మూవీ

ఎన్టీఆర్-త్రివిక్రమ్ కాంబినేషన్లో వస్తున్న తొలి మూవీ. అటు ఎన్టీఆర్, ఇటు త్రివిక్రమ్ వరుస సక్సెస్‌లతో మంచి జోరు మీద ఉన్నారు. ఈ నేపథ్యంలో ఈ చిత్రంపై అంచనాలు భారీగా ఉన్నాయి.

అనిరుధ్ రవిచందర్

త్రివిక్రమ్ ప్రస్తుతం చేస్తున్న పవన్ కళ్యాణ్ సినిమాతో పాటు... ఎన్టీఆర్‌తో చేయబోయే సినిమాకు కూడా యువ సంగీత దర్శకుడు అనిరుధ్ సంగీతం అందించనున్నారు. ఇందుకోసం ట్యూన్లు సిద్ధం చేస్తున్నట్లు అనిరుధ్ ఇటీవల ఓ ఇంటర్వ్యూలో తెలిపారు.

యాక్షన్ సినిమానా?

త్రివిక్రమ్-ఎన్టీఆర్ కాంబినేషన్లో వస్తున్న మూవీ యాక్షన్ మూవీ అని సమాచారం. ఈ సినిమా కోసం ఎన్టీఆర్ బరువు తగ్గడంతో పాటు ఫిజిక్ పరంగా పలు మార్పులు చేయబోతున్నాడని సమాచారం. అలాగే మార్షల్ ఆర్ట్స్‌లో కూడా శిక్షణ తీసుకోబోతున్నాడట.