ఫోటోలు: కళ్యాణ్ రామ్ బర్త్ డే సెలెబ్రేషన్స్.. సందడి చేసిన ఎన్టీఆర్, అభయ్ రామ్!

గురువారం రోజు నందమూరి హీరో కళ్యాణ్ రామ్ జన్మదిన వేడుకలు జరిగాయి. కళ్యాణ్ రామ్ 40 వ పడిలోకి అడుగుపెట్టాడు. ఈ మధ్యన ఎన్టీఆర్, కళ్యాణ్ రామ్ సోదరులిద్దరూ తరచుగా కలుస్తూ నందమూరి అభిమానులని కనువిందు చేస్తున్నారు. కళ్యాణ్ రామ్ పుట్టిన రోజు సందర్భంగా ఎన్టీఆర్ తన సోదరుడిని కలుసుకున్నాడు.

ఎన్టీఆర్ తో పాటు అభయ్ రామ్ కూడా కళ్యాణ్ రామ్ బర్త్ డే సెలబ్రేషన్స్ లో సందడి చేశారు. ఆ దృశ్యాలు సోషల్ మీడియాలో వైరల్ గా మారాయి. కళ్యాణ్ రామ్ కు ఎన్టీఆర్ కేక్ తినిపిస్తున్న ఫోటోలు ఫాన్స్ ని ఆకట్టుకుంటున్నాయి.

ఇదిలా ఉండగా ఎన్టీఆర్, కళ్యాణ్ రామ్ ఇద్దరూ వారి వారి చిత్రాలతో బిజీగా గడుపుతున్నారు. ఎన్టీఆర్ అరవింద సమేత చిత్రంలో నటిస్తుండగా, కళ్యాణ్ రామ్ కెవి గుహన్ దర్శకత్వంలో ఓ చిత్రంలో నటిస్తున్నాడు.