గొడవ పడ్డ ఎన్టీఆర్-బాలయ్య ఫాన్స్

By Staff

Published: Friday, December 12, 2008, 11:28 [IST]

నందమూరి వారసులైన బాలకృష్ణ,ఎన్టీఆర్ ఇద్దరూ కలసి పనిచేయటానికి పై స్ధాయిలో నిర్ణయానికొచ్చారు. అయితే పశ్చిమ గోదావరి జిల్లా ఏలూరు లో మాత్రం వారి ఫాన్స్ మధ్య ఘర్షణ చెలరేగింది. నందమూరి యువసేన నూతన కమిటీ ఏర్పాటు సందర్భంగా ఈ సంఘటన చోటు చేసుకుందని తెలుస్తోంది.కమిటీల ఏర్పాటు ఎంపికలో భీమవరం నుంచి వచ్చిన బాలకృష్ణ అభిమానులు తమకు అన్యాయం జరుగుతోందంటూ ఎన్టీఆర్ అభిమానులకు అడ్డుచెప్పటంతో ఈ ఘర్షణ మొదలైందని సమాచారం.

మొదట మాటగా మొదలైన ఈ వాగ్వివాదం తర్వాత పెరిగి చివరకు ఒకరిపై మరొకరు పోలీస్ స్టేషన్ లో కంప్లైంట్స్ ఇచ్చుకునే దాకా వెళ్ళిదని అంటున్నారు. ఇక ఇదంతా గమనించిన కొందరు సీనియర్స్ మాత్రం ఈ ఘర్షణలో కమ్యూనికేషన్ గ్యాప్ తప్ప మరొకటి లేదని త్వరలోనే రాజీపడి ఇద్దరూ కలిసి పనిచేస్తారని చెప్తున్నారు.ఇక తెలుగు దేశం పార్టీ కోసం అంతా కలిసి పనిచేయాలని బాబు పిలుపు నిస్తున్న సందర్భంలో ఇటువంటి సంఘటన చోటుచేసుకోవటం భాధాకరం అని మరికొందరు ఛోటా నాయకులు కామెంట్ చేస్తున్నారు.

More from Filmibeat