మేమంతా నీతో ఉన్నాం.. అరవింద సమేత లొకేషన్‌లో ఎన్టీఆర్!

విషాదంలో

తండ్రి మరణంతో ఎన్టీఆర్ కన్నీరు మున్నీరుగా విలపించాడు. ఇటీవలే హరికృష్ణ అంత్యక్రియలు పూర్తయ్యాయి. మరుసటి రోజు నుంచే ఎన్టీఆర్ అరవింద సమేత చిత్ర షూటింగ్ కు హాజరయ్యాడు. ప్రస్తుతం ఈ చిత్ర షూటింగ్ హైదరాబాద్ లో జరుగుతోంది.

అనుకున్న సమయానికి

చిత్రాన్ని అనుకున్న సమయానికి పూర్తి చేయడానికి, నిర్మాతకు ఇబ్బందులు తలెత్తకుండా ఉండేందుకు ఇంతటి విషాదంలో కూడా ఎన్టీఆర్ షూటింగ్ ల పాల్గొంటున్నాడు. అరవింద సమేత చిత్రాన్ని దసరాకు విడుదల చేయాలని ప్లాన్ చేస్తున్నారు.

మేమెంతా

తాజగా అరవింద సమేత షూటింగ్ లొకేషన్ లో ఎన్టీఆర్ ఉన్న ఫోటోని సంగీత దర్శకుడు తమన్ ట్విట్టర్ లో పోస్ట్ చేశాడు. ఎన్టీఆర్ డెడికేషన్ కు ఇది నిదర్శనం అంతో ప్రశంసలు కురిపించాడు. ఆయన డెడికేషన్ చూస్తుంటే గౌరవం ఇంకా పెరిగిందని తమన్ తెలిపాడు. మేమంతా నీతో ఉన్నాం. మీకు మరింత బలం చేకూరాలి అని ట్వీట్ చేశాడు.

రాయలసీమ ఫ్యాక్షన్

అరవింద సమేత చిత్రం రాయలసీమ ఫ్యాక్షన్ నేపథ్యంలో తెరకెక్కుతోంది. ఎన్టీఆర్ తండ్రిగా ఈ చిత్రంలో నాగబాబు నటిస్తున్నారు. పూజగా హెగ్డే హీరోయిన్ గా నటిస్తోంది.